Shocking | സെമിത്തേരിയിലെ മണ്ണിൽ അനക്കം കണ്ട് മണ്ണ് മാറ്റി; ഉള്ളിൽ ജീവനുള്ള പെൺകുഞ്ഞ്

സെമിത്തേരിയിലെ (cemetery) മണ്ണ് ഇളകുന്നു കണ്ട് മാന്തി നോക്കിയ സ്ത്രീകൾ കണ്ടത് ജീവനോടെ കുഴിച്ചുമൂടപ്പെട്ട മൂന്നു വയസ്സുള്ള പെൺകുഞ്ഞിനെ. നടന്ന കാര്യങ്ങൾ ഓർമ്മയുണ്ടായിരുന്ന കുഞ്ഞ് പറഞ്ഞതനുസരിച്ച് സ്വന്തം കുടുംബത്തിൽ നേരിട്ട പീഡനമുറയാണ് പുറത്തുവന്നത്. സെമിത്തേരിക്കടുത്ത് ദിവസേനയെന്ന പോലെ ഒരു കൂട്ടം സ്ത്രീകൾ പോയിരുന്നു. ഒരു സെമിത്തേരിയിൽ ഇളകിയ മണ്ണ് അവരെ ഭയപ്പെടുത്തി

എങ്കിലും ധൈര്യം സംഭരിച്ച് മണ്ണ് നീക്കിയപ്പോൾ അതിനടിയിൽ ജീവിച്ചിരിക്കുന്ന മൂന്ന് വയസ്സുകാരിയെ കണ്ട് അവർ ഞെട്ടി. രക്ഷപ്പെടുത്തിയ ശേഷം കുട്ടി മറ്റുള്ളവരോട് പറഞ്ഞത് ശരിക്കും ഞെട്ടിക്കുന്നതായിരുന്നു. താൻ എങ്ങനെ ഇവിടെയെത്തി എന്ന് കുഞ്ഞിന് നല്ല വ്യക്തതയുണ്ടായിരുന്നു. ഒരു നടുക്കത്തോടെയല്ലാതെ ആർക്കും അത് കേട്ടിരിക്കാൻ സാധിക്കില്ല (തുടർന്ന് വായിക്കുക)

കുട്ടിയെ ജീവനോടെ കുഴിച്ചുമൂടാൻ അമ്മയും അമ്മൂമ്മയും ശ്രമിച്ചതായി ദൈനിക് ഭാസ്കർ റിപ്പോർട്ട് ചെയ്തു. ആദ്യം കഴുത്ത് ഞെരിച്ച് കൊല്ലാൻ അമ്മ ശ്രമിച്ചെന്നും പിന്നീട് വായിൽ മണ്ണ് നിറച്ച് കുഴിച്ചിടുകയായിരുന്നുവെന്നും കുട്ടി പറഞ്ഞു

ബീഹാറിലെ ചപ്രയിലെ കോപ മർഹ നദിക്ക് സമീപമുള്ള സെമിത്തേരിയിലാണ് സംഭവം. പെൺകുട്ടിക്ക് ഗ്രാമത്തിന്റെ പേര് പറയാൻ കഴിയുന്നില്ല, പക്ഷേ ഹൃദയഭേദകമായ സംഭവം അവൾ ഓർക്കുന്നു. ഈ വിവരം അവർ പോലീസിനും നൽകിയിട്ടുണ്ട്

യുവതികൾ അവിടെ എത്തുന്നതിനും അൽപസമയം മുമ്പ് പെൺകുട്ടിയെ അടക്കം ചെയ്തിട്ടുണ്ടാകുമെന്നാണ് കരുതുന്നത്. അതുകൊണ്ടാണ് രക്ഷിക്കാൻ കഴിഞ്ഞത്. സംഭവത്തെക്കുറിച്ച് അന്വേഷിക്കാൻ പട്രോളിംഗ് പാർട്ടിയിൽ നിയോഗിച്ച എഎസ്ഐ രവീന്ദർ സിംഗിനെ കോപ്പ എസ്എച്ച്ഒ സംഭവസ്ഥലത്തേക്ക് അയച്ചു

ഗ്രാമവാസികൾ പെൺകുട്ടിയെ പുറത്തെടുത്ത് വെള്ളം കൊടുത്തു. ഗുരുതരമായി പരിക്കേറ്റ നിലയിലായിരുന്നു പെൺകുട്ടി. പ്രഥമ ശുശ്രൂഷയ്ക്കുശേഷം കോപ്പ പോലീസ് സദർ ആശുപത്രിയിലേക്ക് ചികിത്സയ്ക്കായി അയച്ചു

തന്റെ പേര് ലാലി എന്നും മാതാപിതാക്കളുടെ പേര് രാജു, രേഖ ദേവി എന്നും പെൺകുട്ടി പറഞ്ഞു. ചുറ്റിക്കറങ്ങി നടക്കാനെന്ന വ്യാജേന തന്നെ അമ്മയും മുത്തശ്ശിയും കൊണ്ടുവന്ന് കുഴിച്ചിടുകയായിരുന്നുവെന്ന് കരഞ്ഞുകൊണ്ട് അവൾ പോലീസിനോട് പറഞ്ഞു. കരയുമ്പോൾ അവർ തന്റെ വായിൽ മണ്ണ് നിറച്ചു എന്നും കുഞ്ഞ് പറഞ്ഞു