ഒരു മിസ് കോൾ മതി, ഗ്യാസ് ബുക്ക് ചെയ്യാം; അറിയേണ്ടതെല്ലാം

ഇനിയൊരു മിസ് കോൾ അടിച്ചാൽ മതി ഗ്യാസ് സിലിണ്ടർ വീട്ടിൽ എത്തും. 2021 ജനുവരി ഒന്നുമുതലാണ് ഇന്ത്യൻ ഓയിൽ കോർപ്പറേഷൻ ഉപയോക്താക്കൾക്കായി പുതിയ സൗകര്യം ഒരുക്കിയിരിക്കുന്നത്.

കേന്ദ്ര പെട്രോളിയം, പ്രകൃതി വാതക മന്ത്രി ഗാസ ധർമേന്ദ്ര പ്രധാൻ ആണ് ഉപയോക്താക്കൾക്കായി പുതിയ സേവനം അവതരിപ്പിച്ചിരിക്കുന്നത്.

രാജ്യത്തിന്റെ ഏത് ഭാഗത്തുള്ള ഉപയോക്താക്കൾക്കും ഇനി ഒരു മൊബൈൽ നമ്പറിലേക്ക് മിസ് കോൾ നൽകി ഗ്യാസ് ഉറപ്പാക്കാം. ഇതിനായി ചെയ്യേണ്ടത് ഇത്ര മാത്രം.

8454955555 എന്ന നമ്പരിലേക്ക് ഒരു മിസ് കോൾ നൽകുക.

"ഡിജിറ്റൽ ഇന്ത്യയെക്കുറിച്ചുള്ള പ്രധാനമന്ത്രി നരേന്ദ്ര മോദിയുടെ കാഴ്ചപ്പാടിന് അനുസൃതമായി, ഉപഭോക്തൃ കേന്ദ്രീകൃതമായ ഈ സംരംഭങ്ങൾ എൽപിജി റീഫിൽ ബുക്കിംഗും പുതിയ കണക്ഷൻ രജിസ്ട്രേഷനും കൂടുതൽ സൗകര്യപ്രദവും സൗജന്യമാണ്. ഇത് ഉപയോക്താക്കൾക്ക്, പ്രത്യേകിച്ച് പ്രായമായവർക്കും ഗ്രാമപ്രദേശങ്ങളിൽ നിന്നുള്ളവർക്കും ഗുണം ചെയ്യും." ട്വീറ്റിലൂടെ മന്ത്രി അറിയിച്ചു.

ഇന്ത്യൻ ഓയിൽ കോർപറേഷന്റെ ഫ്രീ ട്രേഡ് ഗ്യാസ് സിലിണ്ടറിന് ഇനി പുതിയ പേര് നൽകിയത് അടുത്തിടെയാണ്. അ‍ഞ്ച് കിലോഗ്രാമിന്റെ കുഞ്ഞൻ എൽപിജി സിലിണ്ടറിന് ‘ഛോട്ടു’ എന്നാണ് പേരിട്ടിരിക്കുന്നത്.

തിരിച്ചറിയൽ രേഖയുടെ കോപ്പി സമർപ്പിച്ച് ഉപഭോക്താക്കൾക്ക് ചെറിയ സിലിണ്ടർ വീട്ടിലെത്തിക്കാം. ഇന്ത്യൻ ഓയിൽ ഔട്‌ലെറ്റുകൾ, ഇൻഡെയ്ൻ വിതരണക്കാർ, ഡിപ്പാർട്മെന്റ് സ്റ്റോറുകൾ എന്നിവിടങ്ങളിൽനിന്ന് ഗ്യാസ് സിലിണ്ടർ ലഭിക്കും.

രാജ്യത്തെ 695 ജില്ലകളിൽ ഛോട്ടു സിലിണ്ടർ ലഭ്യമാണ്.