Cyclone FANI:കാറ്റിന്‍റെ ഗതി നേരത്തെ നിർണയിക്കാനായത് രക്ഷയായി

ഭുവനേശ്വർ: ഫോനി ചുഴലിക്കാറ്റിന്റെ ശക്തി കുറഞ്ഞെങ്കിലും ബംഗാൾ, ആന്ധ്ര, തമിഴ്നാട് സംസ്ഥാനങ്ങളിൽ നാളെയും കനത്ത മഴയ്ക്ക് സാധ്യതയുണ്ടെന്ന് കാലവസ്ഥ നീരീക്ഷണ കേന്ദ്രം മുന്നറിയിപ്പ് നൽകി. രണ്ട് പതിറ്റാണ്ടിനിടെ ഉണ്ടായ കൊടുങ്കാറ്റിന്റെ ഗതി നേരത്തെ നിർണയിക്കാനായതാണ് ദുരന്തിന്റെ ആക്കം കുറച്ചത്.

ഏപ്രിൽ 29നാണ് തെക്ക് കിഴക്കൻ ബംഗാൾ ഉൾക്കടലിന്റെയും ഇന്ത്യൻ മഹാസമുദ്രത്തിന്റെ ഭൂമധ്യ രേഖാ പ്രദേശത്തിന്റെയും ഇടയിലായി ഫോനി ചുഴലിക്കാറ്റ് രൂപം കൊണ്ടത്. ആറു മണിക്കൂർ കൊണ്ട് ശക്തി പ്രാപിച്ച ഫോനി പിന്നീട് വടക്ക് കിഴക്ക് ദിശയിൽ സഞ്ചരിച്ച് ഒഡീഷയിലെത്തി കനത്ത നാശം വിതച്ചു.

വൈകുന്നേരത്തോടെ തീവ്രത കുറഞ്ഞ കാറ്റ് നാളെ രാവിലത്തോടെ ബംഗ്ളാദേശ് തീരത്തെത്തുമെന്നാണ് വിലയിരുത്തൽ. ഇതോടെ ഫോനി ഭീതി ഒഴിയുമെന്നാണ് കാലവസ്ഥ നീരിക്ഷണ കേന്ദ്രത്തിന്റെ കണക്ക് കൂട്ടൽ.

എങ്കിലും തമിഴ്നാട് ബംഗാൾ ആന്ധ്ര തുടങ്ങിയ സംസ്ഥാനങ്ങളിൽ കനത്ത മഴയ്ക്ക് സാധ്യതയുള്ളതിനാൽ അതീവ ജാഗ്രത തുടരും . കാറ്റിന്റെ ഗതി നേരത്തെ നിർണയിക്കാനായതാണ് ദുരന്തത്തിന്റെ ആക്കം കുറച്ചത്.

ചുഴലിക്കാറ്റ് കേരളത്തിന്റെ സഞ്ചാര പദത്തിൽ ആയിരുന്നില്ലെങ്കിൽ കൂടി കാറ്റിന്റെ പ്രഭാവത്തിൽ മഴയ്ക്കുള്ള സാധ്യത മുൻ നിർത്തി സംസ്ഥാനത്തും കഴിഞ്ഞ ദിവസങ്ങളിൽ അതീവ ജാഗ്രത നിർദേശം നൽകിയിരുന്നു. രണ്ട് പതിറ്റാണ്ടിനിടെ ഉണ്ടായ ശക്തമായ ചുഴലിക്കാറ്റിന് പാമ്പിന്റ പത്തി എന്ന് അർത്ഥം വരുന്ന ഫോനി എന്ന പേര് നൽകിയത് ബംഗ്ലാദേശാണ്.