ജെഎൻയു: യൂണിയൻ പ്രസിഡന്റിന്റെ തല അടിച്ചു പൊട്ടിച്ചു; ആക്രമിച്ചത് മുഖം മറച്ചെത്തിയ സംഘം

ന്യൂഡൽഹി: ജവഹർലാൽ നെഹ്റു യൂണിവേഴ്സിറ്റിയിൽ മുഖം മറച്ചെത്തിയ സംഘം നടത്തിയ ആക്രമണത്തിൽ വിദ്യാർഥികൾക്കും അധ്യാപകർക്കും പരിക്ക്

വിദ്യാർഥി യൂണിയൻ പ്രസിഡന്റ് ഐഷെ ഘോഷിന്റെ തല അക്രമികൾ അടിച്ച് പൊട്ടിച്ചു. ഗുരുതരമായി പരിക്കേറ്റ ഐഷെയെ എയിംസിൽ പ്രവേശിപ്പിച്ചു.

ഞായറാഴ്ച വൈകിട്ടാണ് ആക്രമണം ഉണ്ടായത്. അഞ്ചു മണിയോടെ കോളജിൽ നടന്ന മാർച്ചിൽ പങ്കെടുത്തവർക്കു നേരെ മുഖം മറച്ചെത്തിയ സംഘം ആദ്യം കല്ലേറ് നടത്തി. തുടർന്ന് ഇരുമ്പു ദണ്ഡുകൾ കൊണ്ട് ആക്രമിക്കുകയായിരുന്നു.

ഐഷെയെ അക്രമികൾ ക്രൂരമായി ആക്രമിച്ചു. തലപൊട്ടി ചോരയൊലിപ്പിച്ച് നിൽക്കുന്ന ഐഷെയുടെ വീഡിയോ പുറത്തു വന്നു.

[caption id="attachment_192279" align="alignnone" width="875"] വിദ്യാർഥികളെ അക്രമികളിൽ നിന്ന് രക്ഷിക്കാൻ ശ്രമിക്കുന്നതിനിടെയാണ് അധ്യാപകർക്കു നേരെ ആക്രമണം ഉണ്ടായത്. തലയ്ക്ക് ഗുരുതര പരിക്കേറ്റ പ്രൊഫസർ സുചാരിത സെന്നിനെ എയിംസിൽ പ്രവേശിപ്പിച്ചിട്ടുണ്ട്.

അമ്പതോളം പേരടങ്ങുന്ന സംഘമാണ് ആക്രമണം അഴിച്ചുവിട്ടത്. ഫീസ് വർധനയ്ക്കെതിരെ പ്രതിഷേധിക്കുകയായിരുന്ന വിദ്യാർഥികളെ ആക്രമിച്ചത് എബിവിപി പ്രവർത്തകരാണെന്ന് ആരോപണമുണ്ട്. ക്യാമ്പസിന് പുറത്തുള്ളവരും സംഘത്തിലുണ്ടായിരുന്നുവെന്ന് ആരോപണമുണ്ട്.