Gold smuggling | മലദ്വാരത്തിൽ ഒളിപ്പിച്ചില്ല; കുഴമ്പ് രൂപത്തിലാക്കിയ 70 ലക്ഷത്തിന്റെ സ്വർണ്ണം കണ്ടെത്തിയത് ഇവിടെ

മലദ്വാരത്തിൽ ഒരു കിലോയോളം സ്വർണ്ണം ഒളിപ്പിച്ച് വിദേശ രാജ്യങ്ങളിൽ നിന്നും കേരളത്തിലേക്ക് കടത്തുന്ന (gold smuggling) വാർത്തകളിൽ പുതുമയില്ലാതായിരിക്കുന്നു. ഒന്നിന് പിറകെ ഒന്നായി ഇത്തരം കേസുകൾ പിടിക്കപ്പെടുന്നുമുണ്ട്. എന്നാൽ സ്വർണ്ണം ഒളിപ്പിക്കാൻ കൂടുതൽ മാർഗങ്ങൾ കണ്ടെത്തുകയാണ് ഇതിനു പിന്നിൽ പ്രവർത്തിക്കുന്നവർ. അതിനൊരുദാഹരണമാണ് ഇപ്പോൾ പുറത്തുവരുന്ന വാർത്ത

ചില്ലറ സ്വർണ്ണമല്ല കടത്തിയത്. 70 ലക്ഷം വിലവരുന്ന കുഴമ്പുരൂപത്തിലാക്കിയ സ്വർണമാണ് വിമാനത്താവളത്തിൽ കണ്ടെത്തിയത്. 1.811 കിലോ സ്വർണ്ണവുമായി വിമാനത്താവള ജീവനക്കാരനെ അറസ്റ്റ് ചെയ്തു. ഇയാൾ സ്വർണ്ണം കടത്തിയ രീതി തീർത്തും വിചിത്രമാണ് (തുടർന്ന് വായിക്കുക)

നിലം വൃത്തിയാക്കുന്ന മോപ്പ് വഴിയാണ് സ്വർണ്ണം കടത്താൻ ശ്രമിച്ചത്. മോപ്പിന്റെ പിടിയിലെ ഒഴിഞ്ഞ സ്ഥാനങ്ങളിൽ ഒളിപ്പിച്ച നിലയിലായിരുന്നു സ്വർണ്ണം. ചെന്നൈ വിമാനത്താവളത്തിലെ ട്രാൻസിറ്റ് ഏരിയയിൽ നിന്നുമാണ് സ്വർണ്ണം കണ്ടെത്തിയത്

ഹൗസ്കീപിംഗ് തൊഴിലാളിയാണ് സ്വർണ്ണവുമായി പിടിയിലായത്. സ്കാനറിൽ മോപ്പിന്റെ മെറ്റൽ പിടിക്കുള്ളിൽ എന്തോ വസ്തുവുള്ളതായി തെളിഞ്ഞു. മോപ്പിന്റെ പൈപ്പ് തുറന്നതും കറുത്ത ടേപ്പിൽ പൊതിഞ്ഞ കുഴമ്പ് രൂപത്തിലാക്കിയ സ്വർണ്ണത്തിന്റെ 10 കഷണം കണ്ടെത്തുകയായിരുന്നു

പിടിഐ റിപ്പോർട്ട് അനുസരിച്ച് ട്രാൻസിറ്റ് ഏരിയയിലൂടെ ജീവനക്കാരൻ സ്വർണം കടത്താൻ ശ്രമിക്കുകയായിരുന്നു. സിഐഎസ്എഫ് ഉദ്യോഗസ്ഥരുടെ സഹായത്തോടെയാണ് പിടികൂടിയത്. സ്വർണത്തിന്റെ ഒരു ഭാഗം പിന്നീട് ഇയാളുടെ ഷൂസിനുള്ളിൽ ഒളിപ്പിച്ച നിലയിൽ കണ്ടെത്തിയതായും റിപ്പോർട്ടിൽ പറയുന്നു

1962 ലെ കസ്റ്റംസ് നിയമ പ്രകാരം 83.68 ലക്ഷം രൂപ വിലമതിക്കുന്ന 1.9 കിലോ സ്വർണം കണ്ടെടുക്കുകയും, വ്യക്തിയെ അറസ്റ്റ് ചെയ്യുകയും ചെയ്തു എന്ന് ഔദ്യോഗിക പത്രക്കുറിപ്പിൽ പറയുന്നു