ചന്ദ്രബാബു നായിഡുവിന് വോട്ട് ചോദിക്കാൻ മമതയും കെജ്രിവാളും ദേവഗൌഡയും

ഹൈദരാബാദ്: പ്രതിപക്ഷം സഖ്യം ഊട്ടിയുറപ്പിക്കാൻ ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡുവിനുവേണ്ടി അന്യ സംസ്ഥാന മുഖ്യമന്ത്രിമാർ പ്രചരണത്തിന്. ബംഗാൾ മുഖ്യമന്ത്രി മമത ബാനർജി, ഡൽഹി മുഖ്യമന്ത്രി അരവിന്ദ് കെജ്രിവാൾ, മുൻ പ്രധാനമന്ത്രി ദേവഗൌഡ എന്നിവരാണ് ചന്ദ്രബാബു നായിഡുവിനുവേണ്ടി വോട്ട് ചോദിക്കാൻ ആന്ധ്രയിൽ എത്തുന്നത്.

ഇവരെ കൂടാതെ തേജസ്വീ യാദവ്, ഫാറൂഖ് അബ്ദുള്ള, ശരദ് പവാർ എന്നിവരും ആന്ധ്രയിൽ പ്രചാരണത്തിനെത്തും.

മാർച്ച് 28, 31 തീയതികളിൽ വിജയവാഡയിലും വിശാഖപട്ടണത്തുമാണ് കെജ്രിവാൾ പ്രചാരണത്തിന് എത്തുന്നത്.

ഇതേ ദിവസങ്ങളിൽ മമത ബാനർജിയും വിവിധ റാലികളിൽ പങ്കെടുക്കുന്നുണ്ട്.

ദേവ ഗൌഡയും പവാറും ആനന്തപുർ, കുർനൂൽ ജില്ലകളിലാണ് പ്രചാരണത്തിന് എത്തുന്നത്.

ഏപ്രിൽ ഒന്നിനാണ് ഫാറൂഖ് അബ്ദുള്ളയുടെ പ്രചാരണം. ചന്ദ്രബാബു നായിഡുവിനൊപ്പം കടപ്പ, കുർനൂൽ ജില്ലകളിലാണ് ഫാറൂഖ് അബ്ദുള്ളയുടെ പ്രചാരണം.