കാർട്ടോസാറ്റും 13 ഉപഗ്രഹങ്ങളും ഭ്രമണപഥത്തിൽ; വിക്ഷേപണം വിജയകരം

ചെന്നൈ: ഐഎസ്ആർ ഒയുടെ ഭൗമ നിരീക്ഷണ ഉപഗ്രഹ ശ്രേണിയിലെ ഒമ്പതാമത്തേതായ കാർട്ടോസാറ്റ് - 3 വിജയകരമായി വിക്ഷേപിച്ചു. രാവിലെ 9.28ന് ശ്രീഹരിക്കോട്ടയിലെ സതീഷ് ധവാൻ ബഹിരാകാശ കേന്ദ്രത്തിൽ നിന്ന് പിഎസ്എൽവി സി47 റോക്കറ്റിലാണ് വിക്ഷേപിച്ചത്.

അമേരിക്കയുടെ 13 നാനോ ഉപഗ്രഹങ്ങളും കാർട്ടോസാറ്റിനൊപ്പം വിക്ഷേപിച്ചിട്ടുണ്ട്. ചന്ദ്രയാൻ രണ്ടിന് ശേഷമുള്ള ഐഎസ്ആർഒയുടെ ആദ്യവിക്ഷേപണമായിരുന്നു ഇത്.srihari

25ന് വിക്ഷേപിക്കാനാണ് നിശ്ചയിച്ചിരുന്നതെങ്കിലും പ്രതികൂല കാലാവസ്ഥയെ തുടർന്ന് ഇന്നത്തേക്ക് മാറ്റുകയായിരുന്നു.

27 മിനിട്ടിനുള്ളിൽ 14 ഉപഗ്രഹങ്ങളെയാണ് ബഹിരാകാശത്ത് എത്തിക്കുന്നത്. വിക്ഷേപിച്ച് 17 മിനിട്ടിനകം കാർട്ടോസാറ്റ് ഭ്രമണപഥത്തിൽ എത്തും. തുടർന്ന് ഒന്നിനു പുറകെ ഒന്നായി 13 ഉപഗ്രഹങ്ങളെയും ഭ്രമണപഥത്തിൽ എത്തിക്കും. കാലാവസ്ഥാ പഠനത്തിനും ഭൂമാപ്പിംഗിനും വേണ്ടിയുള്ളതാണ് കാർട്ടോസാറ്റ്. 1625 കിലോ ആണ് ഇതിന്റെ ഭാരം.