Karnataka Bypoll Results 2019 | അധികാരമുറപ്പിച്ച് യെദിയൂരപ്പ; പരാജയം അംഗീകരിക്കുന്നെന്ന് കോൺഗ്രസ് നേതാവ് DK ശിവകുമാർ

കർണാടകത്തിൽ ഉപതെരഞ്ഞെടുപ്പിൽ  ബി.ജെ.പി മുന്നേറ്റം തുടരുമ്പോൾ സംസ്ഥാനത്ത് അധികാരമുറപ്പിച്ച് മുഖ്യമന്ത്രി യെദിയൂരപ്പ. തെരഞ്ഞെടുപ്പ് നടന്ന 15-ൽ 12 മണ്ഡലങ്ങളിലും ബി.ജെ.പി സ്ഥാനാർഥികളാണ് മുന്നേറുന്നത്.

സംസ്ഥാനത്ത് ഭരണം നിലനിർത്താൻ ബി.ജെ.പിക്ക് ആറ് സീറ്റെങ്കിലും അനിവാര്യമായിരിക്കെയാണ് ഉപതെരഞ്ഞെടുപ്പിലെ ഉജ്ജ്വല മുന്നേറ്റം. കോൺഗ്രസ്, ജെ.ഡി.എസ് എം.എൽ.എമാർ കൂറുമാറിയതിനെ തുടർന്നാണ് ഉപതെരഞ്ഞെടുപ്പ് നടത്തേണ്ടി വന്നത്.

തെരഞ്ഞെടുപ്പ് നടന്ന 13 മണ്ഡലങ്ങളില്‍ കോണ്‍ഗ്രസ്, ജെ.ഡി.എസ്. വിമതരെയാണ് ബി.ജെ.പി. സ്ഥാനാര്‍ഥിയാക്കിയത്. വോട്ടെണ്ണലിന്റെ ആദ്യ ഘട്ടം പൂര്‍ത്തിയാക്കിയപ്പോള്‍ ബിജെപി 12 സീറ്റിലും കോണ്‍ഗ്രസ് രണ്ട് സീറ്റിലും ഒരിടത്ത് സ്വതന്ത്രനുമാണ് മുന്നേറുന്നത്. അതേസമയം ജെഡിഎസ് ഒരിടത്തും ലീഡ് ചെയ്യുന്നില്ല.