Loksabha Elections 2019: രസകരമായ തെരഞ്ഞെടുപ്പ് വസ്തുതകൾ

2019 ലോക്സഭാ തെരഞ്ഞെടുപ്പിൽ മൂന്നാം ലിംഗ വിഭാഗത്തിൽനിന്ന് 38325 വോട്ടർമാർ. അദേഴ്സ് എന്ന വിഭാഗത്തിലാണ് ഇവർ വോട്ടർ പട്ടികയിൽ ഇടംപിടിച്ചിരിക്കുന്നത് .(ഇമേജ്- ന്യൂസ് 18 ക്രിയേറ്റീവ്സ്)

വിവിപാറ്റ് ഇലക്ട്രോണിക് വോട്ടിങ് മെഷീനുകൾ മരങ്ങളെ സംരക്ഷിക്കും- ബാലറ്റ് പേപ്പർ അച്ചടിയ്ക്കായി 1996ൽ 8800 ടൺ പേപ്പറും 1999ൽ 7700 ടൺ പേപ്പറും ഉപയോഗിച്ചു. (ഇമേജ്- ന്യൂസ് 18 ക്രിയേറ്റീവ്സ്)

1952ൽ നടന്ന ആദ്യ ലോക്സഭാ തെരഞ്ഞെടുപ്പിൽ 489 സീറ്റുകളാണ് ഉണ്ടായിരുന്നത്. 1977ൽ ഇത് 543 ആയി ഉയർന്നു.. (ഇമേജ്- ന്യൂസ് 18 ക്രിയേറ്റീവ്സ്)

1951-52ൽ നടന്ന ഇന്ത്യയിലെ ആദ്യ തെരഞ്ഞെടുപ്പിൽ 25.8 ലക്ഷം ബാലറ്റ് പെട്ടികൾ ഉപയോഗിച്ചു. (ഇമേജ്- ന്യൂസ് 18 ക്രിയേറ്റീവ്സ്)

ആദ്യ ലോക്സഭാ തെരഞ്ഞെടുപ്പിൽ 354 ലക്ഷം വോട്ടർമാരുടെ പ്രതിനിധിയായാണ് ഒരു എം.പി പാർലമെന്‍റിൽ എത്തിയത്. എന്നാൽ ഇന്ന് അത് 15 ലക്ഷമായി ഉയർന്നു. (ഇമേജ്- ന്യൂസ് 18 ക്രിയേറ്റീവ്സ്)

ഇന്ത്യയിലെ ആദ്യ പൊതുതെരഞ്ഞെടുപ്പ് നാലു മാസമായാണ് നടന്നത്. 68 ഘട്ടമായാണ് വോട്ടെടുപ്പ് നടന്നത്. ആദ്യ ഘട്ടം ഹിമാചൽ പ്രദേശിലും അവസാനഘട്ട വോട്ടെടുപ്പ് ഉത്തർപ്രദേശിലുമായാണ് നടന്നത്. (ഇമേജ്- ന്യൂസ് 18 ക്രിയേറ്റീവ്സ്)

ആദ്യ തെരഞ്ഞെടുപ്പിന് സർക്കാർ ചെലവാക്കിയത് 10.45 കോടി രൂപയായിരുന്നു. എന്നാൽ 2014ൽ നടന്ന പതിനാറാം ലോക്സഭാ തെരഞ്ഞെടുപ്പിന്3870.34 കോടി രൂപ ചെലവായി. (ഇമേജ്- ന്യൂസ് 18 ക്രിയേറ്റീവ്സ്)

1950ൽ ഇന്ത്യയിൽ 54 രാഷ്ട്രീയ പാർട്ടികളാണ് ഉണ്ടായിരുന്നത്. എന്നാൽ 2014ൽ അത് 475 ആയി ഉയർന്നു. (ഇമേജ്- ന്യൂസ് 18 ക്രിയേറ്റീവ്സ്)

ജുനാഗഢ് മണ്ഡലത്തിലെ ബാനെജ് ഗ്രാമത്തിൽ ഒരു വോട്ടർക്കുവേണ്ടിയാണ് തെരഞ്ഞെടുപ്പ് കമ്മീഷൻ ഒരു പോളിങ് സ്റ്റേഷൻ സജ്ജീകരിക്കുന്നത്. ഗുരു ഭരത് ദാസാണ് ആ പോളിങ് സ്റ്റേഷനിലെ ഒരേയൊരു വോട്ടർ. (ഇമേജ്- ന്യൂസ് 18 ക്രിയേറ്റീവ്സ്)

ഇന്ത്യയിൽ ഏറ്റവുമധികം തോറ്റ സ്ഥാനാർത്ഥി ഡോ. കെ പദ്മരാജൻ. 170 തെരഞ്ഞെടുപ്പുകളിൽ അദ്ദേഹം മത്സരിച്ചെങ്കിലും ഒന്നിൽപ്പോലും ജയിക്കാനായില്ല. (ഇമേജ്- ന്യൂസ് 18 ക്രിയേറ്റീവ്സ്)

1952ലെ ആദ്യ തെരഞ്ഞെടുപ്പിൽ 196084 പോളിങ് സ്റ്റേഷനുകളാണ് ഉണ്ടായിരുന്നത്. എന്നാൽ 2019ൽ നടക്കാൻപോകുന്ന തെരഞ്ഞെടുപ്പിൽ 1035918 പോളിങ് സ്റ്റേഷനുകളാണ് ഒരുക്കുന്നത്. (ഇമേജ്- ന്യൂസ് 18 ക്രിയേറ്റീവ്സ്)

വിവിപാറ്റ് വോട്ടിങ് മെഷീൻ ഉപയോഗിച്ച ആദ്യ തെരഞ്ഞെടുപ്പ് 2013ൽ നാഗാലാൻഡിൽ നടന്ന നോക്സെൻ ഉപതെരഞ്ഞെടുപ്പായിരുന്നു. 2019ലെ ലോക്സഭാ തെരഞ്ഞെടുപ്പിൽ എല്ലാ മണ്ഡലങ്ങളിലും വിവിപാറ്റ് വോട്ടിങ് മെഷീൻ ആണ് ഉപയോഗിക്കുന്നത്. (ഇമേജ്- ന്യൂസ് 18 ക്രിയേറ്റീവ്സ്)

1952ലെ ലോക്സഭാ തെരഞ്ഞെടുപ്പിൽ പോളിങ് സ്റ്റേഷനുകളിൽ ഓരോ സ്ഥാനാർത്ഥിക്കും ഓരോ ബാലറ്റ് പെട്ടികൾ അനുവദിച്ചിരുന്നു. (ഇമേജ്- ന്യൂസ് 18 ക്രിയേറ്റീവ്സ്)

നോട്ട ആദ്യമായി അവതരിപ്പിച്ചത് 2013ലെ ഛത്തീസ്ഗഢ് നിയമസഭാ തെരഞ്ഞെടുപ്പിലാണ്. നോട്ട(നൺ ഓഫ് ദ എബോ) സിംബൽ ആദ്യമായി അവതരിപ്പിച്ചത് 2015ൽ ആയിരുന്നു. (ഇമേജ്- ന്യൂസ് 18 ക്രിയേറ്റീവ്സ്)

ലോക്സഭാ തെരഞ്ഞെടുപ്പുകളുടെ ചെലവ് വഹിക്കുന്നത് കേന്ദ്രസർക്കാർ. നിയമസഭാ തെരഞ്ഞെടുപ്പും ലോക്സഭാ തെരഞ്ഞെടുപ്പും ഒരുമിച്ച് നടത്തുമ്പോൾ കേന്ദ്രവും സംസ്ഥാനവും പകുതി പകുതിയായി ചെലവ് വഹിക്കും. തെരഞ്ഞെടുപ്പ് നിരീക്ഷകരുടെ ഓണറേറിയം നൽകുന്നത് തെരഞ്ഞെടുപ്പ് കമ്മീഷനാണ് (ഇമേജ്- ന്യൂസ് 18 ക്രിയേറ്റീവ്സ്)