മണിപ്പുരില്‍ വ്യാഴാഴ്ച പുലര്‍ച്ചെയുണ്ടായ ഉരുള്‍പൊട്ടല്‍ ദുരന്തത്തില്‍ മരണസംഖ്യ ഉയരുന്നു. നോനെയിലുണ്ടായ മണ്ണിടിച്ചിലില്‍ 81 പേര്‍ മരിച്ചതായി മുഖ്യമന്ത്രി എന്‍.ബിരേന്‍ സിങ് അറിയിച്ചു. 55 പേരെ ഇനിയും കണ്ടെത്താനുണ്ട്. ടെറിട്ടോറിയല്‍ ആര്‍മി ജവാന്മാരുള്‍പ്പെടെ 18 പേരെ രക്ഷപെടുത്തി.
2/ 7
സംസ്ഥാനത്തിന്റെ ചരിത്രത്തിലെ ഏറ്റവും വലിയ ദുരന്തമാണ് സംഭവിച്ചതെന്നും രക്ഷാപ്രവര്‍ത്തനം പൂര്‍ത്തിയാകാനും മണ്ണിനടിയില്‍പ്പെട്ട മൃതദേഹങ്ങള്‍ കണ്ടെത്താനും മൂന്നുദിവസമെടുക്കുമെന്നും ബിരേന്‍ സിങ് പറഞ്ഞു.
3/ 7
നോനി ജില്ലയില്‍ മണ്ണിടിച്ചില്‍ ഉണ്ടായ സ്ഥലം മണിപ്പൂര്‍ മുഖ്യമന്ത്രി ബീരേന്‍ സിങ് സന്ദര്‍ശിക്കുന്നു
4/ 7
നോനി ജില്ലയിലെ തുപുലില്‍ റെയില്‍വേ നിര്‍മാണപ്രവര്‍ത്തനങ്ങള്‍ നടക്കുന്ന യാര്‍ഡിലായിരുന്നു അപകടമുണ്ടായത്. ടെറിട്ടോറിയല്‍ ആര്‍മി ക്യാമ്പും ഇവിടെയായിരുന്നു. മരിച്ചവരില്‍ 10 പേര്‍ ടെറിട്ടോറിയല്‍ ആര്‍മി ജവാന്മാരാണെന്ന് സ്ഥിരീകരിച്ചിട്ടുണ്ട്.
5/ 7
ഇവരില്‍ ഒമ്പതുപേര്‍ ബംഗാള്‍ സ്വദേശികളാണ്. മണ്ണിനടിയില്‍നിന്ന് വെള്ളിയാഴ്ച വൈകീട്ടുവരെ 29 പേരെയാണ് പുറത്തെത്തിച്ചത്. ഇതില്‍ 20 പേര്‍ മരിച്ചതായി പോലീസ് അറിയിച്ചിരുന്നു. ബാക്കിയുള്ളവര്‍ വിവിധ ആശുപത്രികളില്‍ ചികിത്സയിലാണ്.
6/ 7
അസം റൈഫിള്‍, ടെറിട്ടോറിയല്‍ ആര്‍മി, ദുരന്തനിവാരണസേന എന്നിവയുടെ നേതൃത്വത്തില്‍ രക്ഷാപ്രവര്‍ത്തനം വെള്ളിയാഴ്ചയും തുടര്‍ന്നു. ഗ്രാമീണരും സൈനികരും റെയില്‍വേ ജീവനക്കാരുമടക്കം അറുപതോളംപേര്‍ മണ്ണിനടിയില്‍ കുടുങ്ങിക്കിടപ്പുണ്ടെന്നാണ് സംശയിക്കുന്നത്.
7/ 7
ഉരുള്‍പൊട്ടലിന്റെ ശക്തിയില്‍ മണ്ണും പാറയും ഇടിഞ്ഞെത്തി ഇജേയി നദിയുടെ ഒഴുക്കു തടസ്സപ്പെട്ടത് താഴ്ന്നപ്രദേശങ്ങളില്‍ പ്രളയത്തിന് കാരണമായി.
