ന്യൂഡൽഹി: ഡൽഹി എയിംസ് ആശുപത്രിയിൽ വൻ തീപിടിത്തം. പടർന്നു പിടിച്ച തീ കെടുത്താന്‍ അഗ്നിരക്ഷാസേനയുടെ 39 വാഹനങ്ങളാണു സ്ഥലത്തെത്തിയത്.
2/ 6
തീ നിയന്ത്രണ വിധേയമാണെന്നും തീ അണയ്ക്കാനുള്ള ശ്രമം തുടരുന്നുവെന്നും അധികൃതർ അറിയിച്ചു. സംഭവത്തിൽ ആർക്കും പരിക്കുള്ളതായി റിപ്പോർട്ടുകളില്ല.
3/ 6
ആശുപത്രിയിലെ എമർജൻസി വാർഡിനു സമീപത്താണ് വൈകിട്ട് അഞ്ചോടെ തീപിടിത്തം തുടങ്ങിയത്. കെട്ടിടത്തിൽനിന്ന് ആൾക്കാരെ ഒഴിപ്പിച്ചു.
4/ 6
തീപിടിത്തമുണ്ടായ കെട്ടിടത്തിൽ രോഗികളെ ചികിത്സിക്കുന്നില്ല. ഡോക്ടർമാരുടെ മുറികളും ഗവേഷണ ലാബുകളുമാണ് ഈ കെട്ടിടത്തിലുള്ളത്.
5/ 6
ഒന്നാം നിലയിൽ തുടങ്ങിയ തീയുടെ പുക രണ്ടാം നിലയിലേക്കും പടര്‍ന്നതായി ദേശീയ മാധ്യമങ്ങൾ റിപ്പോർട്ട് ചെയ്യുന്നു.
6/ 6
മുൻ കേന്ദ്രമന്ത്രി അരുൺ ജെയ്റ്റ്ലിയെ ഈ ആശുപത്രിയിൽ പ്രവേശിപ്പിച്ചിട്ടുണ്ടെങ്കിലും മറ്റൊരു കെട്ടിടത്തിലാണ് അദ്ദേഹം ചികിത്സയിലുള്ളതെന്ന് ആശുപത്രി അധികൃതർ വ്യക്തമാക്കി.
