Navratri 2020 | നവരാത്രി ആഘോഷങ്ങൾക്ക് തുടക്കം; ആശംസകള്‍ അറിയിച്ച് പ്രിയതാരങ്ങൾ

രാജ്യമെങ്ങും നവരാത്രി ആഘോഷങ്ങൾക്ക് തുടക്കം കുറിച്ചിരിക്കുകയാണ്. ദുർഗ്ഗാ ദേവിയുടെ വിവിധ അവതാരങ്ങളെ ആരാധിക്കുന്ന ചടങ്ങുകളാണ് ഒൻപത് ദിവസം നീണ്ടു നിൽക്കുന്ന ആഘോഷരാവുകളിലുള്ളത്.

രാജ്യമെമ്പാടുമുള്ള വിവിധയിടങ്ങളിൽ കോവിഡ് മാനദണ്ഡങ്ങൾ കർശനമായി പാലിച്ചാകും ഇത്തവണ നവരാത്രി ആഘോഷച്ചടങ്ങുകൾ അരങ്ങേറുക. നവരാത്രി ആഘോഷങ്ങൾ തുടക്കം കുറിച്ചതോടെ പ്രമുഖ താരങ്ങളും ആരാധകർക്ക് ആശംസ അറിയിച്ചെത്തിയിട്ടുണ്ട്.

'എല്ലാവർക്കും സ്നേഹം നിറഞ്ഞ നവരാത്രി ആശംസകൾ' എന്നാണ് ബോളിവുഡ് താരം അമീർഖാൻ ട്വീറ്റ് ചെയ്തത്. നിലവിൽ 'ലാൽ സിംഗ് ഛാഢ'എന്ന ചിത്രത്തിന്‍റെ ഷൂട്ടിംഗ് തിരക്കിലാണ് താരം

ദേവി ദുർഗയെ പ്രകീർത്തിച്ചു കൊണ്ടുള്ള മന്ത്രോച്ചാരണത്തിലെ വരികൾ പങ്കുവച്ചു കൊണ്ടാണ് ബോളിവുഡ് താരം അമിതാഭ് ബച്ചന്‍റെ ആശംസ.. ദേവിയുടെ കൃപ എല്ലാവരിലും ഉണ്ടാകട്ടെ എന്നാണ് ആരാധകർക്ക് ആശംസ അറിയിച്ച് താരം കുറിച്ചത്.

നവരാത്രി ആശംസകള്‍ അറിയിച്ച് ബോളിവുഡ് താരം കങ്കണ റണൗത്ത്. നവരാത്രി ആഘോഷരാവിലെ ഒരു പഴയ ചിത്രം കൂടി പങ്കുവച്ചാണ് താരത്തിന്‍റെ ആശംസ

എല്ലാവരെയും ദുഃഖങ്ങളിൽ നിന്നും അകറ്റി നിർത്തി ഐശ്വര്യവും സമൃദ്ധവുമായ ജീവിതം നൽകാൻ പ്രാർഥിക്കുന്നു എന്നായിരുന്നു ശിൽപ്പ ഷെട്ടിയുടെ നവരാത്രി ആശംസ

ബോളിവുഡ്-തെന്നിന്ത്യൻ താരം രാകുൽ പ്രീത് സിംഗ് എല്ലാവർക്കും നവരാത്രി ആശംസകള്‍ അറിയിച്ചിട്ടുണ്ട്