സത്യപ്രതിജ്ഞാ ദിനത്തിൽ അമിത് ഷാ ഒരുക്കിയ അത്ഭുതം, എസ്. ജയശങ്കർ

നരേന്ദ്ര ദാമോദർ ദാസ് മോദി ഇന്ത്യയുടെ പ്രധാനമന്ത്രിയായി രണ്ടാമതും സത്യപ്രതിജ്ഞ ചെയ്തപ്പോൾ അത്ഭുതമായത് കഴിഞ്ഞ മോദി സർക്കാരിന്‍റെ കാലത്ത് വിദേശകാര്യ സെക്രട്ടറി ആയിരുന്ന സുബ്രഹ്മണ്യം ജയശങ്കറുടെ സത്യപ്രതിജ്ഞ ആയിരുന്നു.

2015 ജനുവരി മുതൽ 2018 ജനുവരി വരെ വിദേശകാര്യ സെക്രട്ടറി ആയിരുന്ന ജയശങ്കർ സിംഗപ്പൂർ ഹൈ കമ്മീഷണർ, ചൈന, യു എസ് എ എന്നിവിടങ്ങളിൽ സ്ഥാനപതി ആയിരുന്നു.

ഔദ്യോഗിക പദവിയിൽ നിന്ന് വിരമിച്ച ശേഷം ടാറ്റാ സൺസിന്‍റെ ഗ്ലോബൽ കോർപ്പറേറ്റ് അഫേഴ്സ് പ്രസിഡന്റ് ആയി പ്രവർത്തിച്ച് വരികയായിരുന്നു

രാജ്യത്ത് ഏറ്റവും കൂടുതൽ കാലം വിദേശകാര്യ സെക്രട്ടറി ആയിരുന്ന ജയശങ്കർ മോദി സര്‍‌ക്കാരിന്‍റെ വിദേശകാര്യനയങ്ങൾ ആഗോളതലത്തില്‍ നിയന്ത്രിച്ചിരുന്ന വ്യക്തി കൂടിയാണ്.

ഇന്ത്യന്‍ വിദേശകാര്യ സർവീസ് 1977 ബാച്ച് ഉദ്യോഗസ്ഥനായ ജയശങ്കർ 2009-2013 കാലഘട്ടത്തിൽ ഇന്ത്യയുടെ ചൈനീസ് അംബാസഡറായിരുന്നു. അരുണാചൽപ്രദേശിനെച്ചൊല്ലി ഇന്ത്യയെയും ചൈനയെയും യുദ്ധത്തിന്‍റെ വക്കിലെത്തിച്ച ദോക്ലാം പ്രശ്നം അവസാനിപ്പിക്കാനും ജയശങ്കറിന്‍റെ ഇടപെടൽ മുഖ്യകാരണമായിരുന്നു.

ചൈനയിലെ ഇന്ത്യൻ സ്ഥാനപതി ആയിരുന്ന സമയത്ത് അതിർത്തിയിലും സാംസ്കാരികമായും വ്യാവസായികമായും ഇരുരാജ്യങ്ങളും തമ്മിലുള്ള ബന്ധം മെച്ചപ്പെടുത്തുന്നതിൽ ജയശങ്കർ സജീവമായി പ്രവർത്തിച്ചു. ഔദ്യോഗിക പദവിയിൽ നിന്ന് വിരമിച്ച ശേഷം ടാറ്റാ സൺസിന്‍റെ ഗ്ലോബൽ കോർപ്പറേറ്റ് അഫേഴ്സ് പ്രസിഡന്റ് ആയി സ്ഥാനമേറ്റു. പത്മശ്രീ പുരസ്കാര ജേതാവ് കൂടിയാണ് ജയശങ്കർ.