300 കോടിയുടെ 40 കിലോ മയക്കുമരുന്നുമായി വന്ന പാകിസ്താൻ ബോട്ട് ഇന്ത്യൻ കോസ്റ്റ് ഗാർഡിന്റെ പിടിയിൽ

ഗുജറാത്ത് തീരാതിർത്തിയിൽ പാകിസ്താൻ ബോട്ട് ഇന്ത്യൻ കോസ്റ്റ് ഗാർഡിന്റെ പിടിയിൽ. ബോട്ടിൽ നിന്നും ആയുധങ്ങളും 300 കോടി രൂപയുടെ 40 കിലോയോളം വരുന്ന മയക്ക് മരുന്നും പിടിച്ചെടുത്തു. സംഭവത്തിൽ ബോട്ടിലുണ്ടായിരുന്ന 10 പേരും കോസ്റ്റ് ഗാർഡ് കസ്റ്റഡിയിലാണ്

ഗുജറാത്ത് എ ടി എസിന്റെ ഇൻറലിജൻസ് വിഭാഗം നൽകിയ വിവരത്തിന്റെ അടിസ്ഥാനത്തിലായിരുന്നു ഞായറാഴ്ച രാത്രി തിരച്ചിൽ നടത്തിയത്. തിരച്ചിലിനൊടുവിൽ തീര അതിർത്തിക്കടുത്തായി അൽ സൊഹയിൽ എന്ന മത്സ്യബന്ധന ബോട്ട് കണ്ടെത്തുകയായിരുന്നു. നിലവിൽ ബോട്ടും കസ്റ്റഡിയിലായവരെയും തുടരന്വേഷണത്തിനായി ഗുജറാത്തിലെ ഒഖയിലേക്ക് കൊണ്ടുപോയി

കഴിഞ്ഞ 18 മാസത്തിനിടെ ഇന്ത്യൻ കോസ്റ്റ് ഗാർഡും ഗുജറാത്തിലെ എടിഎസും നടത്തുന്ന ഏഴാമത്തെ സംയുക്ത ഓപ്പറേഷനാണിത്