സഹപ്രവർത്തകരുടെ പ്രതികാരം; കോളേജ് അധ്യാപികയുടെ ഫോൺ നമ്പർ പൊതുശൗചാലയങ്ങളിൽ

പൊതു ശൗചാലയങ്ങളിൽ (public toilets) വനിതാ ലക്ചററുടെ ഫോൺ നമ്പറും ഇമെയിൽ ഐഡിയും അടങ്ങുന്ന അശ്ലീല പോസ്റ്ററുകൾ പതിച്ചെന്നാരോപിച്ച് സ്വകാര്യ കോളേജിലെ മൂന്ന് സഹപ്രവർത്തകർക്കെതിരെ കേസ്. തന്നെക്കുറിച്ച് അപകീർത്തികരമായ കുറിപ്പുകൾ അടങ്ങിയ പോസ്റ്റ്കാർഡുകൾ ലഭിച്ചതായി കഴിഞ്ഞ വർഷം ഡിസംബറിൽ ഇരയായ അദ്ധ്യാപിക മനസ്സിലാക്കിയത് വിവിധ കോളേജുകളിൽ ജോലി ചെയ്യുന്ന അദ്ധ്യാപകരിൽ നിന്ന് കോളുകൾ വരാൻ തുടങ്ങിയത്തിൽ പിന്നെയാണ്

പിന്നീട് ഈ വർഷം ഫെബ്രുവരിയിൽ അജ്ഞാതരിൽ നിന്നും കോളുകൾ വരാൻ തുടങ്ങി. താമസിയാതെ ഇത് കുടുംബത്തിന് അസഹനീയമായിത്തീർന്നു. അവർ പോലീസിൽ പരാതി നൽകി. അധ്യാപികയുടെ ബന്ധുക്കൾക്കും ലക്ചറർമാർക്കും പോസ്റ്റ്കാർഡുകൾ എഴുതുകയും പിന്നീട് ഇൻലൻഡ് കത്തുകൾ അയയ്ക്കുകയും ചെയ്തതായി പോലീസ് കമ്മീഷണർ പറഞ്ഞു (തുടർന്ന് വായിക്കുക)

ബന്തങ്ങാടി താലൂക്കിലെ ലൈലയിലെ സ്വകാര്യ കോളജ് കറസ്‌പോണ്ടന്റ് പ്രകാശ് ഷേണായി (44), സാമ്പത്തിക ശാസ്ത്ര അധ്യാപകൻ ബണ്ട്വാൾ സിദ്ധകട്ടെയിലെ പ്രദീപ് പൂജാരി (36), ഉഡുപ്പി ഹെബ്രി സ്വദേശി താരനാഥ് ബി.എസ്. ഷെട്ടി (32) എന്നിവരെയാണ് പൊലീസ് പിടികൂടിയത്. കേസിൽ ഉൾപ്പെട്ട രണ്ടോ മൂന്നോ പേർ ഉടൻ പിടിയിലാകാനാണ് സാധ്യത

സുള്ള്യ, സംപാജെ, സുബ്രഹ്മണ്യ, മടിക്കേരി, മൈസൂരു, ചിക്കമംഗളൂരു, മുടിഗെരെ, ബലെഹോന്നൂർ, എൻആർ പുര, ശിവമോഗ തുടങ്ങിയ സ്ഥലങ്ങളിലെ ബസ് സ്റ്റാൻഡുകളിലെ ടോയ്‌ലറ്റുകളിൽ അധ്യാപികയുടെ മൊബൈൽ നമ്പറും ഇമെയിൽ ഐഡിയും അടങ്ങിയ പോസ്റ്ററുകൾ അവർ ഒട്ടിച്ചു. 10 ദിവസത്തിനുള്ളിൽ തനിക്ക് 800ലധികം കോളുകൾ വന്നതായി അദ്ധ്യാപിക പറഞ്ഞു. പീഡനം സഹിക്കവയ്യാതെ ജീവിതം അവസാനിപ്പിക്കാൻ പോലും ആലോചിച്ചു എന്ന് അവർ പറഞ്ഞു

അസിസ്റ്റന്റ് പ്രൊഫസറും കന്നഡ എഴുത്തുകാരിയുമായ 58 കാരിയായ ഇരയും പ്രതികളും ബണ്ട്വാൾ കോളേജിലെ സഹപ്രവർത്തകരായിരുന്നെന്ന്‌ പോലീസ് കമ്മീഷണർ എൻ. ശശി കുമാർ പറഞ്ഞു. നാല് വർഷം മുമ്പ് കോളേജ് മാനേജ്‌മെന്റുമായുള്ള ചില അഭിപ്രായവ്യത്യാസങ്ങളെ തുടർന്ന് അവർ മംഗളൂരുവിലെ സർക്കാർ കോളേജിൽ ഡെപ്യൂട്ടേഷൻ പോയിരുന്നു

കാർഡുകളിൽ അച്ചടിച്ച മോശം സന്ദേശങ്ങൾ, പോസ്റ്ററുകൾ പതിച്ച പ്രതികളുടെ സിസിടിവി ദൃശ്യങ്ങൾ തുടങ്ങിയ സുപ്രധാന തെളിവുകൾ പോലീസ് ശേഖരിച്ചിട്ടുണ്ട്

പുതിയ കോളേജിലേക്ക് മാറിയതിന് ശേഷം നാല് വർഷത്തിലേറെയായി പ്രതികൾ ഇരയെ ലക്ഷ്യമിട്ട് തുടങ്ങിയ സംഭവത്തിന് പിന്നിലെ ഉദ്ദേശ്യം ഇപ്പോഴും വ്യക്തമല്ലെന്ന് കമ്മീഷണർ പറഞ്ഞു. അന്വേഷണത്തിൽ സത്യം പുറത്തുവരുമെന്നും അദ്ദേഹം കൂട്ടിച്ചേർത്തു