പാമ്പിന് എന്ത് 'പൊലീസ്'? ഓഫീസിൽ പോകാനായി ഷൂ ഇട്ടു; അകത്ത് ഒളിച്ചിരുന്ന പാമ്പിന്റെ കടിയേറ്റ എസ്.പി ആശുപത്രിയിൽ

പാമ്പിന് പൊലീസ് എന്നോ പട്ടാളം എന്നോ ഉണ്ടോ. ചവിട്ടുകയോ അറിയാതെ തൊടുകയോ ചെയ്യുന്നത് ആരായാലും പാമ്പ് കടിക്കും. മധ്യപ്രദേശിൽ നിന്നാണ് ഈ സംഭവം. ഗുണ്ടകളുടെയും കള്ളന്മാരുടെയും ഒക്കെ പേടി സ്വപ്നമായ എസ്.പിക്ക് പാമ്പ് കടിയേറ്റു.

മധ്യപ്രദേശിലെ പന്നയിലെ പൊലീസ് സൂപ്രണ്ട് മായങ്ക് അവാസ്തിക്കാണ് പാമ്പിന്റെ കടിയേറ്റത്. ചൊവ്വാഴ്ച ഉച്ചയ്ക്ക് ശേഷം വീട്ടിൽ നിന്ന് ഓഫീസിലേക്ക് പോകാനൊരുങ്ങുകയായിരുന്നു എസ്.പി.

യൂണിഫോമൊക്കെ ധരിച്ച ശേഷം ഷൂസെടുത്തു. ഇതിനിടെ ഷൂസിനകത്ത് ഒളിച്ചിരുന്ന പാമ്പിന്റെ കടിയേറ്റു. ജബൽപൂർ ആശുപത്രിയിൽ പ്രവേശിപ്പിച്ച അദ്ദേഹത്തിന്റെ ആരോഗ്യനില തൃപ്തികരമാണ്.

ഷൂസിനകത്ത് നിന്ന് സോക്സ് പുറത്തെടുക്കാൻ ശ്രമിച്ചപ്പോഴാണ് കൈയിൽ എന്തോ സ്പർശിച്ചതായി എസ്.പിക്ക് തോന്നിയത്. എന്താണെന്ന് നോക്കിയപ്പോൾ ഒരു കുഞ്ഞ് പാമ്പ് അകത്തിരിക്കുന്നത് കണ്ട്. ഇതോടെ തന്റെ ജീവനക്കാരനെ എസ്.പി സംഭവം ധരിപ്പിച്ചു. (പ്രതീകാത്മക ചിത്രം)

ജില്ലാ ആശുപത്രിയിലെ സിവിൽ സർജനെ എസ് പി ഫോണിൽ വിളിച്ച് വിവരം ധരിപ്പിച്ചു. പിന്നാലെ പന്ന ജില്ലാ ആശുപത്രിയിലെ ഡോക്ടർ വി എസ് ഉപാധ്യായ് എസ്.പിയുടെ വീട്ടിലെത്തി. തുടർന്ന് ജബൽപൂർ ആശുപത്രിയിലേക്ക് മാറ്റുകയായിരുന്നു. (പ്രതീകാത്മക ചിത്രം)