'അൻപോടെ അയ്യാവുക്ക്': നരേന്ദ്ര മോദിക്ക് ക്ഷേത്രവുമായി തമിഴ്നാട് കർഷകൻ

പ്രധാനമന്ത്രി നരേന്ദ്ര മോദിയെ ദൈവമായി കണ്ട് ഒരു കർഷകൻ. തമിഴ്നാട്ടിലെ ഇറക്കുടി ഗ്രാമത്തിലെ കർഷകൻ പി. ശങ്കറാണ് പോയ വാരം മോദിക്കായി ക്ഷേത്രം പണിതത്

പ്രധാൻമന്ത്രി കിസാൻ സമ്മാൻ നിധി പോലുള്ള ക്ഷേമപദ്ധതികളിൽ നിന്നും തനിക്കുണ്ടായ നേട്ടങ്ങളാണ് ക്ഷേത്രം പണിയുക എന്ന തീരുമാനത്തിലേക്ക് ശങ്കറിനെ നയിച്ചത്. 1.2 ലക്ഷമാണ് അമ്പലം കെട്ടാനുണ്ടായ ചെലവ്

മോദിയുടെ വെള്ളത്താടിയും കണ്ണടയും ഹെയർസ്‌റ്റൈലും വരെ പ്രതിഷ്‌ഠയിൽ അതേപടി കാണാം. പിങ്ക് കുർത്തയും നീലാ ഷാളുമാണ് വേഷം. പ്രതിഷ്‌ഠക്കു ഇരുവശവുമായി കത്തിച്ച നിലവിളക്കുണ്ട്.  ദൈവങ്ങളുടെയും നേതാക്കളുടെയും ചിത്രവും അമ്പലത്തിനുള്ളിലുണ്ട് 

പ്രധാൻമന്ത്രി കിസാൻ സമ്മാൻ നിധിയിൽ നിന്നും 2,000 രൂപയും. പ്രധാൻമന്ത്രി ഉജ്വല യോജനയുടെ ഭാഗമായി പാചകവാതകവും കൂടാതെ മറ്റൊരു പദ്ധതിയുടെ ഭാഗമായി ശൗചാലയവും തനിക്കു ലഭിച്ചതായി ശങ്കർ പറയുന്നു. ഇതൊക്കെ ലഭിച്ചാലും 'അയ്യ' എന്നാൽ ശങ്കറിന് വ്യക്തിപരമായും മതിപ്പുള്ളയാളാണ്. ക്ഷേത്രത്തിൽ കുംഭാഭിഷേകം നടത്തണമെന്നാണ് ശങ്കറിന്റെ ഏറ്റവും വലിയ ആഗ്രഹം

മാമല്ലപുരത്ത് മോദി എത്തിയപ്പോൾ തന്റെ 'അയ്യ'യെ കാണാൻ ശങ്കറും പോയിരുന്നു

എന്തായാലും ലോക്കൽ ബി.ജെ.പി. കമ്മറ്റി ശങ്കറിനെ ബി.ജെ.പി.യിൽ അംഗമാക്കാൻ തയാറാണ്. ശങ്കറിനും നൂറുവട്ടം സമ്മതം