Blueflag certificate | കാപ്പാട് ഉൾപ്പെടെ 8 ബീച്ചുകൾക്ക് ബ്ലൂ ഫ്ലാഗ് അംഗീകാരം; രാജ്യത്തിന് അഭിമാന നിമിഷം

പരിസ്ഥിതി സൗഹൃദബീച്ചുകള്‍ക്ക് നൽകുന്ന രാജ്യാന്തര ബ്ലൂഫ്ലാഗ് സർട്ടിഫിക്കറ്റ് നേടി രാജ്യത്തെ എട്ട് ബീച്ചുകൾ.  മാലിന്യമുക്ത തീരം, സഞ്ചാരികളുടെ സുരക്ഷ, ശുദ്ധമായ വെള്ളം തുടങ്ങി 33 മാനദണ്ഡങ്ങൾ ഉറപ്പു വരുത്തിയതിനു ശേഷമാണ് ബീച്ചുകളെ ഈ അംഗീകാരത്തിനായി തെരഞ്ഞെടുത്തത്.. (Image: Reuters)

പുരസ്കാരത്തിന്റെ ചരിത്രത്തിൽ ഇതുവരെ, ഒരേസമയം ഒരു രാജ്യത്തെ എട്ട് കടൽത്തീരങ്ങൾക്ക് ബ്ലൂ ഫ്ലാഗ് അംഗീകാരം നൽകുന്ന നടപടി ഉണ്ടായിട്ടില്ലെന്നും, ഇത് അനിതരസാധാരണമായ നേട്ടമാണെന്നും കേന്ദ്ര പരിസ്ഥിതി-വനം-കാലാവസ്ഥ വ്യതിയാന മന്ത്രി പ്രകാശ് ജാവദേക്കർ ട്വിറ്ററിൽ കുറിച്ചു. രാജ്യത്തിന് ഇത് അഭിമാന നിമിഷമെന്നും മന്ത്രി. (Image: ANI Twitter)

രണ്ടു വർഷംകൊണ്ട് ഈ നേട്ടം സ്വന്തമാക്കുന്ന ഏഷ്യ-പസഫിക് മേഖലയിലെ ആദ്യ രാഷ്ട്രമാണ് ഇന്ത്യ. പുരസ്കാര നേട്ടത്തോടെ ബ്ലൂ ഫ്ലാഗ് അംഗീകാരമുള്ള 50 രാഷ്ട്രങ്ങളുടെ കൂട്ടായ്മയിൽ ഇന്ത്യ ഇടം പിടിച്ചു.

പരിസ്ഥിതിസൗഹൃദ ബീച്ചുകൾക്ക് നൽകുന്ന രാജ്യാന്തര അംഗീകാരമാണ് ബ്ലൂഫ്ളാഗ് സർട്ടിഫിക്കറ്റ്. കോപ്പൻഹേഗൻ ആസ്ഥാനമായുള്ള ഫൗണ്ടേഷൻ ഫോർ എൻവയോൺമെന്റ് എജ്യുക്കേഷൻ എന്ന സ്ഥാപനമാണ് ബ്ലൂഫ്ളാഗ് സർട്ടിഫിക്കറ്റ് നൽകുന്നത്.മാലിന്യമുക്ത തീരം, സഞ്ചാരികളുടെ സുരക്ഷ, ശുദ്ധമായ വെള്ളം തുടങ്ങി കൃത്യമായ നിരവധി മാനദണ്ഡങ്ങൾ ഉറപ്പാക്കിയാണ് ഈ സർട്ടിഫിക്കറ്റ് തീരങ്ങൾക്ക് നല്‍കുന്നത്.  (Image: Instagram) ഇന്ത്യയിൽ ഈ നേട്ടം കരസ്ഥമാക്കിയ ബീച്ചുകൾ ചുവടെ;

ശിവരാജ്പൂർ തീരം (ദ്വാരക-ഗുജറാത്ത്) (Image: PBNS)

റുഷികൊണ്ട (ആന്ധ്രപ്രദേശ്) . (Image: PBNS)

ഗൊഘ്ല (ദിയു).  (Image: PBNS)

ഗോൾഡൻ (പുരി-ഒഡീഷ). (Image: PBNS)

കാസർഗോഡ് (കർണാടക). (Image: PBNS)

കാപ്പാട് (കേരളം). (Image: PBNS)

രാധാനഗർ (ആൻഡമാൻ ദ്വീപ് സമൂഹം). (Image: PBNS)

പടുബിദ്രി (കർണാടകം). (Image: PBNS)