' യുദ്ധസ്മാരകങ്ങൾ സന്ദർശിച്ച് ധീരജവാൻമാരെ അഭിവാദ്യം ചെയ്യാൻ എല്ലാവരും നേരം കണ്ടെത്തണം' മന്ത്രി രാജീവ് ചന്ദ്രശേഖർ

വിജയ് ദിവസിനോടനുബന്ധിച്ച് ഇന്ത്യാ ഗേറ്റിന് സമീപമുള്ള യുദ്ധസ്മാരകത്തിൽ പുഷ്പാർച്ചന നടത്തി കേന്ദ്ര ഐടി, സംരംഭകത്വ വകുപ്പ് സഹമന്ത്രി രാജീവ് ചന്ദ്രശേഖർ. 1971 ലെ യുദ്ധത്തിൽ പങ്കെടുത്ത് വീരമ്യത്യൂ വരിച്ച ധീര സൈനികർക്കാണ് പുഷ്പാർച്ചന നടത്തിയത്.

സൈനിക സേവനമനുഷ്ഠിക്കുന്നവരും വിമുക്തഭടന്മാരും അവരുടെ കുടുംബാംഗങ്ങളും ഉൾപ്പെടെയുള്ള സായുധ സേനാംഗങ്ങൾക്ക് തന്റെ ആശംസകൾ അറിയിച്ച മന്ത്രി, എല്ലാ പൗരന്മാരോടും “ഇന്ന് അല്പസമയം കണ്ടെത്തി യുദ്ധസ്മാരകങ്ങൾ സന്ദർശിക്കണമെന്നും ധീര ജവാന്മാർക്ക് ആദരാഞ്ജലികൾ അർപ്പിക്കണമെന്നും  അഭ്യർത്ഥിച്ചു.

'വിജയ് ദിവസിൽ നമ്മുടെ സൈനികരെ സന്ദർശിച്ച് അഭിവാദ്യം ചെയ്യുന്നത് തന്റെ ധർമ്മമാണെ'ന്നു സന്ദർശനത്തിന് ശേഷം അദ്ദേഹം സമൂഹമാധ്യമങ്ങളിൽ കുറിച്ചു. നമ്മുടെ നാളേയ്ക്കുവേണ്ടി തങ്ങളുടെ ഇന്നത്തെ ദിനം ത്യജിച്ചവർക്കും അവരുടെ കുടുംബങ്ങൾക്കും അഭിവാദ്യം നേരുകയും ചെയ്തു.

1971ലെ യുദ്ധത്തിൽ വീരമൃത്യു വരിച്ചവരോ യുദ്ധത്തിൽ പരിക്കേറ്റ് അംഗവൈകല്യം സംഭവിച്ചവരോ ആയ ഇന്ത്യൻ സായുധ സേനയിലെ ആയിരക്കണക്കിന് സൈനികരുടെ സംഭാവനകളെ സ്മരിക്കുന്ന ദിവസമാണ് വിജയ് ദിവസ് എന്ന് ചന്ദ്രശേഖർ പറഞ്ഞു. രാഷ്ട്രത്തിന്റെ സംരക്ഷണത്തിനായി തങ്ങളെതന്നെ ബലിയർപ്പിച്ച ഈ സൈനികരുടെ കുടുംബങ്ങളെ അനുസ്മരിക്കാനുള്ള ഒരു സന്ദർഭം കൂടിയാണിത്.

മുൻ എയർ കമാൻഡറിന്റെ മകനായ രാജീവ് ചന്ദ്രശേഖർ രാജ്യസഭംഗം എന്ന നിലയിൽ സായുധ സേനാംഗങ്ങളുടെ ക്ഷേമവുമായി ബന്ധപ്പെട്ട വ്യത്യസ്‌ത പ്രശ്നങ്ങൾ നിരന്തരം ഏറ്റെടുത്തു പരിഹാരം കണ്ടെത്താറുണ്ട്. അതിലൂടെ 'സായുധ സേനയുടെ കാവൽ എംപി' എന്നാണ് അദ്ദേഹം വിശേഷിപ്പിക്കപ്പെടുന്നത് .

അദ്ദേഹം നിരന്തരമായി ഉന്നയിച്ച് പോന്ന ഈ ആവശ്യം ഒടുവിൽ 2010 മുതൽ കാർഗിൽ വിജയ ദിവസമായി അംഗീകരിക്കപ്പെട്ടു. പുഷ്പചക്രം അർപ്പിക്കുന്നത്തിനുള്ള നിർദ്ദേശം നൽകാൻ യുപിഎ സർക്കാരിലെ അന്നത്തെ പ്രതിരോധ മന്ത്രിയെ നിർബന്ധിതമാക്കി. അതേത്തുടർന്ന് എല്ലാവർഷവും രാജ്യത്തെ ജനങ്ങളും ഇന്ത്യൻ സർക്കാരും ഔദ്യോഗികമായിത്തന്നെ കാർഗിൽ വിജയ ദിവസവും ആഘോഷിച്ചു പോരുന്നു .