UP Assembly Election 2022| യുപി ഒന്നാം ഘട്ട വോട്ടെടുപ്പ്: ഉച്ചയ്ക്ക് ഒരുമണിവരെ 35.03 % പോളിങ്

ലഖ്നൗ: യുപി നിയമസഭാ തെരഞ്ഞെടുപ്പിന്റെ ആദ്യ ഘട്ട വോട്ടെടുപ്പ് പുരോഗമിക്കുന്നു. ഉച്ചയ്ക്ക് ഒരു മണിവരെ 35.03 ശതമാനം പോളിങ് രേഖപ്പെടുത്തി. ആഗ്ര- 36.93%, അലിഗഡ്- 32.07%, ബാഗ്പത്- 38.01 %, ബുലന്ദ്ഷഹര്‍- 37.03%, ഗൗതം ബുദ്ധ നഗര്‍- 30.53%, ഗാസിയാബാദ്- 33.405%, ഹാപൂർ- 39.97%, മഥുര- 36.26 %, മീററ്റ്- 34.51%, മുസഫർനഗർ- 35.73%, ഷാംലി - 41.16% എന്നിങ്ങനെയാണ് ആദ്യ രണ്ട് മണിക്കൂറിലെ വോട്ടിങ്നില. . (Image: News18)

യോഗി മന്ത്രിസഭയിലെ 9 മന്ത്രിമാരാണ് ജനവിധി തേടുന്നത്. ശ്രീകാന്ത് ശർമ, അതുൽ ഗാർഗെ, സുരേഷ് റാണ, കാപിൽദേവ് അഗർവാൾ, സന്ദീപ് സിങ് തുടങ്ങിയ മന്ത്രിമാരാണ് ജനവിധി തേടുന്നത്.  (Image: News18)

പടിഞ്ഞാറന്‍ യുപിയിലെ 11 ജില്ലകളിലായി ആകെ 58 മണ്ഡലങ്ങളിലാണ് വോട്ടെടുപ്പ്. വോട്ടെടുപ്പ് നടക്കുന്ന 58 മണ്ഡലങ്ങളിൽ 2017ൽ 53 ഇടത്തും ബിജെപിക്കായിരുന്നു വിജയം. സമാജ് വാദി പാർട്ടിയും ബിഎസ്പിയും രണ്ട് വീതവും ആർഎല്‍ഡി ഒരു സീറ്റും നേടിയിരുന്നു (Image: News18)

രാവിലെ ഏഴ് മണി മുതല്‍ വൈകിട്ട് ആറ് വരെയാണ് പോളിങ്. കോവിഡ് മാനദണ്ഡങ്ങള്‍ പാലിച്ചാകും പോളിങ് നടക്കുക. ആദ്യഘട്ടത്തില്‍ 2.27 കോടി വോട്ടര്‍മാരാണുള്ളത്. 9 മന്ത്രിമാരടക്കം 623 സ്ഥാനാര്‍ത്ഥികളാണ് മത്സരരംഗത്തുള്ളത്.  (Image: News18)

കര്‍ഷക സമരത്തെ തുടര്‍ന്ന് നടക്കുന്ന തെരഞ്ഞെടുപ്പില്‍ പടിഞ്ഞാറന്‍ യു പിയിലെ ജനവികാരം അനുകൂലമാകുമെന്ന പ്രതീക്ഷയിലാണ് സമാജ് വാദി പാർട്ടി - ആര്‍എല്‍ഡി സഖ്യം. ജാട്ട് വോട്ടുകൾ നിർണായകമാകുന്ന ഘട്ടത്തിൽ ഈ വിഭാഗത്തില്‍ നിന്ന് ബിജെപി പതിനേഴ് സ്ഥാനാര്‍ത്ഥികളേയും സമാജ്‍വാദി പാര്‍ട്ടി - ആര്‍എല്‍ഡി സഖ്യം 18 സ്ഥാനാര്‍ത്ഥികളെയും രംഗത്തിറക്കിയിട്ടുണ്ട്.  (Image: News18)

 കര്‍ഷകരുടെ കേന്ദ്രമായ മുസഫര്‍ നഗർ അടക്കമുള്ള മണ്ഡലങ്ങളില്‍ വീടുവീടാന്തരം കയറിയിറങ്ങി അമിത്ഷാ വോട്ട് തേടിയിരുന്നു. (Image: News18)

വെര്‍ച്വല്‍ റാലികളിലൂടെ മാത്രമാണ് പ്രധാനമന്ത്രിയും സംസാരിച്ചത്. കര്‍ഷക രോഷത്തെ മറികടക്കാന്‍ ക്രമസമാധാനവും അക്രമസംഭവങ്ങൾ അടിച്ചമർത്തിയെന്നതും ചർച്ചയാക്കുകയാണ് ബിജെപി. (Image: News18)

ഉത്തര്‍പ്രദേശില്‍ തങ്ങൾക്ക് വലിയ പ്രതീക്ഷ ഇല്ലെന്ന് തെളിയിക്കുന്നതാണ് കോണ്‍ഗ്രസിന്റെ പ്രചാരണം. (Image: News18)

അമേത്തിയില്‍ ഒരു ദിവസം പ്രചാരണം നടത്തിയതൊഴിച്ചാല്‍ രാഹുല്‍ ഗാന്ധി മറ്റൊരിടത്തും എത്തിയില്ല. പ്രിയങ്കാഗാന്ധി മാത്രമാണ് പ്രചാരണത്തിലുണ്ടായിരുന്നത്. (Image: News18)

സമ്മതിദാനാവകാശം രേഖപ്പെടുത്തിയശേഷം വോട്ടർമാർ. (Image: News18)