Shocking | 'കാമുകനെ' കല്യാണം കഴിക്കാൻ നിർബന്ധിച്ച് ഭാര്യയെ തല്ലിച്ചതച്ച് ഭർത്താവും കൂട്ടരും

വിവാഹേതര ബന്ധമുണ്ടെന്ന് സംശയിക്കുന്ന മധ്യവയസ്കയായ സ്ത്രീയെ ഭർത്താവും കൂട്ടരും മർദിക്കുകയും (woman manhandled by husband) 'കാമുകനെ' വിവാഹം കഴിക്കാൻ നിർബന്ധിക്കുകയും ചെയ്തതായി റിപ്പോർട്ട്. തുടർന്ന് യുവതിയെ ആശുപത്രിയിൽ പ്രവേശിപ്പിച്ചതായി ഒരു പോലീസ് ഉദ്യോഗസ്ഥൻ പറഞ്ഞു. യഥാർത്ഥ സംഭവം അറിയാൻ ഇരയെ കാണാൻ ഞങ്ങൾ ഒരു ടീമിനെ അയക്കും എന്നും പോലീസ് വ്യക്തമാക്കി

"പോലീസിന് ഇതുവരെ രേഖാമൂലമുള്ള പരാതികളൊന്നും ലഭിച്ചിട്ടില്ല, എന്നാൽ ആരോപണവിധേയമായ സംഭവത്തെക്കുറിച്ച് അന്വേഷണം ഉണ്ടാകും," പോലീസ് ഉദ്യോഗസ്ഥൻ പറഞ്ഞു. വിവാഹേതര ബന്ധമുണ്ടെന്ന് സംശയിച്ച് ശനിയാഴ്ച രാത്രി ഭർത്താവിന്റെ നേതൃത്വത്തിൽ 15 പേർ തന്നെ നെൽവയലിലേക്ക് കൊണ്ടുപോയി ക്രൂരമായി മർദ്ദിച്ചതിനെ തുടർന്ന് ബോധം നഷ്ടപ്പെട്ടതായി യുവതി മാധ്യമപ്രവർത്തകരോട് പറഞ്ഞു (തുടർന്ന് വായിക്കുക)

കാമുകനെന്ന് പറയപ്പെടുന്നയാളും മർദിക്കപ്പെട്ടു. സോഷ്യൽ മീഡിയയിൽ വൈറലായ ഒരു വീഡിയോയിൽ, ബോധം വീണ്ടെടുത്ത ശേഷം, കാമുകനുമായി മാലകൾ കൈമാറാൻ ഗ്രാമവാസികൾ സ്ത്രീയെ നിർബന്ധിക്കുകയും കുരവയിടുകയും ചെയ്തു. ത്രിപുരയിലെ ഖോവായ് ജില്ലയിൽ ശനിയാഴ്ച രാത്രി തെലിയമുറ പോലീസ് സ്റ്റേഷൻ പരിധിയിലെ മധ്യ കൃഷ്ണപൂരിലാണ് സംഭവം നടന്നത്

ചില യുവാക്കൾ സ്ത്രീയുടെ നെറ്റിയിൽ സിന്ദൂരം ചാർത്താൻ പുരുഷനെ നിർബന്ധിക്കുന്നതും അതിൽ കാണപ്പെട്ടു. അതേ ഗ്രാമത്തിലെ ഒരു പുരുഷനുമായുള്ള ബന്ധത്തിന്റെ പേരിൽ താനും കുടുംബാംഗങ്ങളും തന്നെ മർദിച്ചതായി യുവതിയുടെ ഭർത്താവ് മാധ്യമങ്ങൾക്ക് മുന്നിൽ സമ്മതിച്ചു

"സംഭവത്തിന് ശേഷം, ഞാൻ അവളെ ചികിത്സയ്ക്കായി തെലിയമുറ ആശുപത്രിയിൽ കൊണ്ടുപോയി, രാത്രി മുഴുവൻ ഞാൻ അവിടെ ചെലവഴിച്ചു. പോലീസ് എന്റെ വീട്ടിലെത്തി," പശ്ചാത്താപമില്ലാതെ ഭർത്താവ് പറഞ്ഞു

ത്രിപുര വനിതാ കമ്മീഷൻ (ടിസിഡബ്ല്യു) ചെയർപേഴ്സൺ ബർണാലി ഗോസ്വാമി സംഭവത്തെ അപലപിച്ചു. "ഒരു പരിഷ്കൃത സമൂഹത്തിൽ, ഒരു സ്ത്രീക്ക് നേരെയുള്ള ഇത്തരം ക്രൂരമായ പീഡനങ്ങൾ ഞങ്ങൾക്ക് സഹിക്കാനാവില്ല. വിവാഹിതയായ സ്ത്രീയും മറ്റൊരു പുരുഷനും തമ്മിലുള്ള നിർബന്ധിത വിവാഹം സ്വാഭാവികമായ ഒരു ആചാരമല്ല. സംഭവങ്ങളുടെ സത്യാവസ്ഥ അറിയാൻ ഇരയെ കാണാൻ ഞങ്ങൾ ഒരു ടീമിനെ അയയ്ക്കും. " അവർ പറഞ്ഞു