IPL 2020 | ചെന്നൈ സൂപ്പർ കിങ്സിനെതിരെ കൊൽക്കത്ത നൈറ്റ് റൈഡേഴ്സ് ബാറ്റിങ് തെരഞ്ഞെടുത്തു

അബുദാബി: ഐപിഎല്ലിൽ ഇന്നു കരുത്തരുടെ പോരാട്ടം. മുൻ ജേതാക്കളായ ചെന്നൈ സൂപ്പർ കിങ്സും കൊൽക്കത്ത നൈറ്റ് റൈഡേഴ്സും നേർക്കുനേർ വരുമ്പോൾ മികച്ച വിജയമാണ് ഇരു ടീമുകളും ലക്ഷ്യമിടുന്നത്. ചെന്നൈയ്ക്കെതിരെ ടോസ് നേടിയ കൊൽക്കത്ത ബാറ്റിങ്ങ് തെരഞ്ഞെടുത്തു.

ടോപ് ഓർഡർ ബാറ്റ്സ്മാൻമാർ ഫോം വീണ്ടെടുത്തതാണ് ചെന്നൈയ്ക്കു പ്രതീക്ഷയേകുന്നത്. മുൻനിര ബാറ്റ്സ്മാൻമാർ തിളങ്ങിയാൽ കൊൽക്കത്തയ്ക്കെതിരെ മികച്ച സ്കോർ നേടാമെന്നാണ് ചെന്നൈ പ്രതീക്ഷിക്കുന്നത്. കിംഗ്സ് ഇലവൻ പഞ്ചാബിനെതിരെ 179 റൺസ് പിന്തുടർന്ന് വാട്സൺ, ഫാഫ് ഡു പ്ലെസിസ് എന്നിവരുടെ മികവിൽ 181 റൺസ് നേടിയാണ് ചെന്നൈ വെന്നിക്കൊടി നാട്ടിയത്.

ബൌളർമാർ മികവ് കണ്ടെത്താനാകാത്തതാണ് മറുവശത്ത് കൊൽക്കത്തയ്ക്ക് തലവേദനയാകുന്നത്. ഐപിഎൽ മുൻ സീസണുകളിൽ തിളങ്ങിയ സുനിൽ നരെയ്ന് ഇതുവരെ ഫോം വീണ്ടെടുക്കാനായിട്ടില്ല. ഇന്ത്യൻ താരം കുൽദീപ് യാദവിനും ഇതുവരെ പെരുമയ്ക്കൊത്ത പ്രകടനം പുറത്തെടുക്കാനായിട്ടില്ല.

കൊൽക്കത്ത നൈറ്റ് റൈഡേഴ്സ് ഇലവൻ: ഷുബ്മാൻ ഗിൽ, സുനിൽ നരൈൻ, നിതീഷ് റാണ, ആൻഡ്രെ റസ്സൽ, ദിനേശ് കാർത്തിക് (wk / c), ഇയോൺ മോർഗൻ, പാറ്റ് കമ്മിൻസ്, രാഹുൽ ത്രിപാഠി, കമലേഷ് നാഗർകോട്ടി, ശിവം മാവി, വരുൺ ചക്രവർത്തി

ചെന്നൈ സൂപ്പർ കിംഗ്സ് ഇലവൻ: ഷെയ്ൻ വാട്സൺ, ഫാഫ് ഡു പ്ലെസിസ്, അംബതി റായുഡു, എം‌എസ് ധോണി (wk / c), കേദാർ ജാദവ്, രവീന്ദ്ര ജഡേജ, ഡ്വെയ്ൻ ബ്രാവോ, സാം കുറാൻ, കർൺ ശർമ്മ, ഷാർദുൽ താക്കൂർ, ദീപക് ചഹർ