ജാക്ക് ഡാനിയൽ സെറ്റിൽ ആക്ഷൻ കിംഗ് അർജുനൊപ്പം സുരാജ്

ദിലീപ് നായകനാകുന്ന ജാക്ക് ഡാനിയൽ സിനിമയിൽ തമിഴ് ആക്ഷൻ കിംഗ് അർജുനും അഭിനയിക്കുന്നുണ്ട്. അർജുനൊപ്പമുള്ള ചിത്രം നടൻ സുരാജ് വെഞ്ഞാറമൂട് ഫേസ്ബുക്കിൽ പങ്കുവെച്ചു.

സ്പീഡ് ട്രാക്ക് സംവിധായകൻ എസ് എൽ പുരം ജയസൂര്യ സംവിധാനം ചെയ്യുന്ന ചിത്രമാ‌ണ് ജാക്ക് ഡാനിയൽ.

ഞാൻ പ്രകാശനിൽ നായികയായെത്തിയ അഞ്ചു കുര്യൻ ചിത്രത്തിൽ ദിലീപിന്റെ ജോടിയാകുന്നു.

ജാക്ക് ഡാനിയേലിന്റെ സെറ്റിൽ ധ്യാന നിമഗ്നനായി ഇരിക്കുന്ന ദിലീപിന്റെ ചിത്രം ഏറെ ശ്രദ്ധിക്കപ്പെട്ടിരുന്നു.

തമീൻസ് ഫിലിംസിന്റെ ബാനറിൽ ഷിബു തമീൻസ് ആണ് നിർമാണം.

ചിത്രത്തിന്റെ ആക്‌ഷൻ കൈകാര്യം ചെയ്യുന്നത് പീറ്റർ ഹെയ്ൻ. സംഗീതം ഗോപി സുന്ദർ.