Sreenivasan | നടൻ ശ്രീനിവാസന്‍ മത്സരിക്കാനില്ല; പിന്തുണ ട്വന്റി 20ക്ക്

നിയമസഭ തെരെഞ്ഞെടുപ്പില്‍ മത്സരരംഗത്ത് ഉണ്ടാകില്ലെന്ന നടന്‍ ശ്രീനിവാസന്‍. ട്വന്റി 20ക്ക് പിന്തുണ നല്‍കും. ഇ. ശ്രീധരനും ജേക്കബ് തോമസും ട്വന്റി 20യിലേയ്ക്ക് വരണമെന്നാണ് തന്റെ ആഗ്രഹമെന്നും ശ്രീനിവാസന്‍. ട്വന്റി ട്വന്റിയിൽ വലിയ പ്രതീക്ഷയാണുള്ളതെന്ന് ശ്രീനിവാസന്‍ പറഞ്ഞു

കേരളത്തിന് തന്നെ മാത്യകയാക്കാവുന്നതാണ് ട്വന്റി 20. അതിനാലാണ് താന്‍ പിന്തുണ നൽകുന്നത്. മെട്രോമാന്‍ ഇ. ശ്രീധരനും ജേക്കബ് തോമസുമൊക്കെ ബിജെപിയിലാണ്. അവര്‍ ബി.ജെ.പി. വിട്ട് ഇവര്‍ ട്വന്റി 20ക്ക് ഒപ്പം വരണമെന്നാണ് തന്റെ ആഗ്രഹം. കഴിഞ്ഞ ദിവസങ്ങളില്‍ മലയാള സിനിമയില്‍ നിന്ന് രാഷ്ട്രീയത്തിലെത്തിയവര്‍ തിരികെ ശരിയായ വഴിയിലെത്തുമെന്നാണ് തന്റെ പ്രതീക്ഷയെന്നും ശ്രീനിവാസന്‍ പറഞ്ഞു

ട്വന്റി 20 സ്ഥാനാര്‍ത്ഥിയായി ശ്രീനിവാസന്‍ നിയമസഭ തെരെഞ്ഞെടുപ്പില്‍ മത്സരിച്ചേക്കുമെന്നായിരുന്നു അഭ്യൂഹം. ട്വന്റി 20 നേത്യത്വം പിറവം മണ്ഡലത്തില്‍ മത്സരിയ്ക്കാന്‍ ശ്രീനിവാസനെ സമീപിച്ചിരുന്നതായും വാര്‍ത്തകള്‍ പുറത്ത് വന്നിരുന്നു. എന്നാല്‍ മത്സര രംഗത്ത് ഉണ്ടാകില്ലെന്ന് ശ്രീനിവാസന്‍ വ്യക്തമാക്കി

ഇന്ന വൈകിട്ട് ട്വന്റി 20 പാര്‍ട്ടിയുടെ സ്ഥാനാര്‍ത്ഥി പ്രഖ്യാപന ചടങ്ങുണ്ട്. ഇതില്‍ ശ്രീനിവാസന്‍ പങ്കെടുക്കും. എറണാകുളം ജില്ലയിലെ മുഴുവന്‍ മണ്ഡലങ്ങളിലും സ്ഥാനാര്‍ത്ഥികളെ പ്രഖ്യാപിച്ചേക്കുമെന്നാണ് വിവരം