ഉത്പാദകർക്കു ആകർഷകമായ സബ്‌സിഡികൾ ഒരുക്കി കയർ കേരള 2019

അന്യം നിന്ന് പോകുന്ന കയർ വ്യവസായത്തിലേക്ക് കൂടുതൽ വ്യാപാരികളെ ആകർഷിക്കാൻ മികച്ച ഓഫറുകളാണ് കയർ കേരള മുന്നോട്ടു വെക്കുന്നത്. കയർ ഫെസ്റ്റിൽ വെച്ച് നൽകുന്ന ഓർഡറുകൾക്ക് സർക്കാർ പത്തു ശതമാനം അധിക സബ്സിഡി നൽകും.

നിലവിൽ പത്തു ശതമാനമാണ് കയറ്റുമതിക്കാർക്ക് ലഭിക്കുന്ന ഡിസ്‌കൗണ്ട് എങ്കിൽ സബ്‌സിഡി കൂടിയാകുമ്പോൾ ഇത് ഇരുപത് ശതമാനമാകും.

കയർ മേഖലയിലെ പ്രാഥമിക സംഘങ്ങൾ പിരിക്കുന്ന കയർ കയർഫെഡ് ആണ് വാങ്ങുന്നത്. അവരിൽ നിന്ന് ചെറുകിട മാറ്റ് ആൻഡ് മാറ്റിങ്സ് സംഘങ്ങൾ വാങ്ങി ഉത്പന്നങ്ങൾ ആക്കി മാറ്റും. ഈ ഉത്പന്നങ്ങൾ കയർ കോർപറേഷൻ വാങ്ങി കയറ്റുമതിക്കാർക്കു നൽകുകയാണ് ചെയ്‌ത്‌ വരുന്നത്.

ഇത്തരത്തിൽ കയറ്റുമതിക്കാർ വാങ്ങുന്ന ഉത്പന്നങ്ങൾക്കാണ് നിലവിൽ 10% ഡിസ്‌കൗണ്ട് നൽകുന്നത്. ഡിസംബർ നാലു മുതൽ എട്ടുവരെ നടക്കുന്ന കയർ കേരളയിൽ വെച്ച് നൽകുന്ന എല്ലാ ഓർഡറുകൾക്കും പത്തു ശതമാനം അധിക സബ്സിഡി കൂടി നൽകി 20ശതമാനം ആക്കാനാണ് തീരുമാനം.