വീടുകയറി ആക്രമണം; ആറ്റിങ്ങലിൽ മൂന്ന് കോൺഗ്രസ് പ്രവർത്തകർക്ക് വെട്ടേറ്റു

തിരുവനന്തപുരം: ആറ്റിങ്ങൽ പാർലമെന്റ് മണ്ഡലത്തിലെ, തോന്നയ്ക്കൽ വേങ്ങോട് മൂന്ന് കോൺഗ്രസ്‌ പ്രവർത്തകരെ വീട്ടിൽ കയറി വെട്ടി പരിക്കേൽപിച്ചു. 

ആറ്റിങ്ങൽ ഗവ: കോളേജിലെ മുൻ KSU യൂണിറ്റ് പ്രസിഡൻറും കോളേജ് യൂണിയൻ ഭാരവാഹിയും മംഗലപുരം ഗ്രാമ പഞ്ചായത്ത് മെമ്പറുമായിരുന്ന ബി.സി അജയരാജിനും, യൂത്ത് കോൺഗ്രസ് മംഗലപുരം മണ്ഡലം പ്രസിഡൻറ് സിയാമിനും, കോൺഗ്രസ് പ്രവർത്തകനായ ആനന്ദ രാജിനുമാണ് വെട്ടേറ്റത്.

കുടുംബാംഗങ്ങളുടെയും നാട്ടുകാരുടെയും മുന്നിലിട്ടായിരുന്നു വെട്ടി പരിക്കേൽപ്പിച്ചത്.

പോലീസ് പ്രതികൾക്കനുകൂലമായി നടപടികൾ വൈകിപ്പിക്കുന്നതായി ആരോപിച്ച് കോൺഗ്രസ് പ്രവർത്തകർ പോലീസ് സ്‌റ്റേഷനു മുന്നിൽ ധർണ്ണ നടത്തി.

മാരകമായി പരിക്കേറ്റ പ്രവർത്തകർ തിരുവനന്തപുരം മെഡി: കോളേജ് ആശുപത്രിയിൽ ചികിത്സയിലാണ്.

വീടുകയറിയുള്ള ആക്രമണത്തിൽ പരിക്കേറ്റ കോൺഗ്രസ് പ്രവർത്തകനെ മെഡിക്കൽ കോളേജിൽ എത്തിച്ചപ്പോൾ

വീടുകയറിയുള്ള ആക്രമണത്തിൽ പരിക്കേറ്റ കോൺഗ്രസ് പ്രവർത്തകനെ മെഡിക്കൽ കോളേജിൽ എത്തിച്ചപ്പോൾ