Mahout Killed| തടിപിടിക്കാൻ കൊണ്ടുവന്ന ആന വിരണ്ടു; പാപ്പാനെ ചവിട്ടിക്കൊന്നു

തിരുവനന്തപുരം (Thiruvananthapuram) കല്ലമ്പലം (kallambalam) കപ്പാംവിള മുക്കുകട റോഡിൽ തടി പിടിക്കാൻ കൊണ്ടുവന്ന കണ്ണൻ എന്ന ആന വിരണ്ടു, പാപ്പാനെ കുത്തികൊന്നു. കല്ലമ്പലം ഇടവൂർ കോണം സ്വദേശി ഉണ്ണിയാണ് മരിച്ചത്.

തിങ്കളാഴ്ച രാവിലെ 10 മണിയോടെയാണ് കല്ലമ്പലം ഇടവൂർ സ്വദേശി ഉണ്ണി, കണ്ണൻ എന്ന ആനയുമായി തടി പിടിക്കാൻ എത്തിയത്. 10 മണിയോടെ തടി പിടിക്കാനുള്ള തയ്യാറെടുപ്പുകൾ പൂർത്തിയാക്കി ആനയെ ചങ്ങലകൊണ്ട് ബന്ധിച്ചു കൊണ്ടിരിക്കുകയായിരുന്നു.

സമാധാനപരമായി നിന്നിരുന്ന ആന, പെട്ടെന്ന് പാപ്പാന് നേരെ തിരിയുകയും തുമ്പിക്കൈകൊണ്ട് കോരിയെടുത്ത് മരത്തിലേക്ക് അടിക്കുകയുമായിരുന്നു.

മൂന്നിലേറെ തവണ ആന പാപ്പാനെ തുമ്പിക്കൈകൊണ്ട് എടുത്ത് തറയിൽ അടിച്ചു. തുടർന്ന് ഒന്നര മണിക്കൂറോളം സമയം ആന പാപ്പാന് സമീപം തന്നെ നിന്നു.

നാട്ടുകാർ വിവരമറിയിച്ചതിനെ തുടർന്ന് രണ്ടും മൂന്നും പാപ്പാന്മാർ എത്തിയാണ് ആനയെ തളച്ചത്. അതിനുശേഷമാണ് ഉണ്ണിയുടെ മൃതദേഹം മെഡിക്കൽ കോളേജ് ആശുപത്രിയിലേക്ക് മാറ്റിയത്.

പരവൂർ പൂതക്കുളം സ്വദേശി സജി എന്ന ആളിന്റെ ഉടമസ്ഥതയിലുള്ളതാണ് ആന