ദുരിതാശ്വാസ സഹായം ഏൽപ്പിച്ചുമടങ്ങവെ അപകടത്തിൽപ്പെട്ട് പരിക്കേറ്റ നാടക പ്രവർത്തകർക്ക് സഹായവുമായി സർക്കാർ

തിരുവനന്തപുരം: വയനാട് പോത്തുകലിൽ ദുരിതാശ്വാസ സഹായം ഏൽപ്പിച്ചു മടങ്ങവേ അപകടത്തിൽ പെട്ട നാടക പ്രവർത്തക സംഘം നാടകിന്റെ അംഗങ്ങൾക്ക്‌ സർക്കാരിന്റെ സാന്ത്വനം. 

ഇവർ സഞ്ചരിച്ചിരുന്ന ട്രക്ക് പാതിരപ്പള്ളിയിൽ ടാങ്കർ ലോറിയുമായി കൂട്ടിയിടിച്ചായിരുന്നു അപകടം. വണ്ടി ഓടിച്ചിരുന്ന തിരുവനന്തപുരംസ്വദേശികളായ അഖിൽ (25), സഹ യാത്രികൻ ശരത് (35) എന്നിവർ  മൾട്ടിപ്പിൾ ഫ്രാക്ച്ചർ ആയി  മെഡിക്കൽ കോളേജ് ആശുപത്രിയിൽ ചികിത്സയിലാണ്. 

ഇവർക്ക് വേണ്ട സഹായം നൽകാൻ മുഖ്യമന്ത്രിയുടെ ഓഫീസ് നടപടികൾ ആരംഭിച്ചു കഴിഞ്ഞു. വൈദ്യസഹായം നൽകാൻ ആരോഗ്യ വകുപ്പ് മന്ത്രി നിർദ്ദേശം നൽകിയിട്ടുണ്ട്. യുവജനക്ഷേമ ബോർഡ്‌ വൈസ് ചെയർമാൻ പി. ബിജു ഇരുവരെയും സന്ദർശിച്ചു.