മാലിദ്വീപിൽ കുടുങ്ങിയ പ്രവാസികളുമായി നാവികസേനാ കപ്പൽ കൊച്ചി തീരമണഞ്ഞു

മാലിദ്വീപിൽ കുടുങ്ങിയ പ്രവാസികളുമായി നാവിക സേനാ കപ്പൽ ഐ.എൻ.എസ്. മഗർ കൊച്ചി തുറമുഖത്ത് എത്തി. 202 യാത്രക്കാരുമായാണ് കപ്പൽ എത്തിയത്

കേരളത്തിൽ നിന്നുള്ള 91 പേരാണ് ഓപ്പറേഷൻ സമുദ്രസേതുവിൻറെ ഭാഗമായി മാലിദ്വീപിൽ നിന്നെത്തിയത്

കേരളം ഉൾപ്പെടെ 15 സംസ്ഥാനങ്ങളിൽ നിന്നുള്ള പ്രവാസികളാണ് കപ്പലിൽ.തമിഴ്നാട്ടിൽ നിന്നുള്ള 80 പേരും ഇതിൽ ഉൾപ്പെടുന്നു.  ഗർഭിണികളുൾപ്പെടെ വൈദ്യസഹായം ആവശ്യമുള്ള 18 പേരും യാത്രക്കാരിൽ ഉണ്ട്

യാത്രക്കാരെ ഇമ്മിഗ്രേഷൻ നടപടികൾക്കും വൈദ്യ പരിശോധനക്കും  വിധേയരാക്കിയ ശേഷം പ്രത്യേക വാഹനത്തിൽ ക്വാറന്റൈൻ കേന്ദ്രങ്ങളിലേക്ക് മാറ്റി

രോഗലക്ഷണങ്ങൾ ഇല്ലാത്ത തമിഴ്നാട് സ്വദേശികളെ  കൊണ്ടുപോകാനായി തമിഴ്നാട് സർക്കാർ പ്രത്യേക വാഹനം ഒരുക്കിയിരുന്നു. മറ്റ്‌ സംസ്ഥാനങ്ങളിൽ നിന്നുള്ളവർ എറണാകുളം ജില്ലയിലെ ക്വാറന്റൈൻ കേന്ദ്രങ്ങളിലെ നിരീക്ഷണത്തിൽ തുടരും

കഴിഞ്ഞ ദിവസം എത്തിയ ഐ.എൻ.എസ്. ജലാശ്വായിൽ 698 എത്തിയിരുന്നു. കൂടുതൽ ഇന്ത്യക്കാർ മാലിദ്വീപിൽ കുടുങ്ങിയതായി സ്ഥിരീകരണം ലഭിച്ചിട്ടുണ്ട്. അത് കൊണ്ടു തന്നെ ദ്വീപ് കേന്ദ്രീകരിച്ചു കൂടുതൽ നടപടികൾ ഉണ്ടാകും. യാത്രക്കാരുമായുള്ള അടുത്ത കപ്പൽ ഉടനുണ്ടാകുമെന്നാണ് സൂചന