ഫുട്ബോളിൽ ആദ്യ ജയം; അകലക്കുന്നം പഞ്ചായത്തിൽ 'ഗോളടിച്ച്' ജോസ്; ജോസഫ് പക്ഷത്തിന് തോൽവി

കോട്ടയം: കേരള കോൺഗ്രസ് എമ്മിൽ ജോസഫ്- ജോസ് വിഭാഗങ്ങൾ തമ്മിലുള്ള പേര് തുടരുന്നതിനിടെ തദ്ദേശ ഉപതെരഞ്ഞെടുപ്പിൽ ജോസ്.കെ മാണി പക്ഷത്തിന് വിജയം.

പി.ജെ ജോസഫ് ഔദ്യോഗിക ചിഹ്നമായ രണ്ടിലയില്‍ മത്സരിപ്പിച്ച സ്ഥാനാര്‍ഥിയെ തോല്‍പിച്ചാണ് ജോസ്.കെ മാണി വിഭാഗം വിജയം നേടിയത്.<br />അകലക്കുന്നം പഞ്ചായത്തിലെ ആറാം വാര്‍ഡില്‍ ജോസ്.കെ മാണിയുടെ സ്ഥാനാര്‍ഥി ജോര്‍ജ് മൈലാടി 63 വോട്ടിന് വിജയിച്ചത്. ജോസഫ് പക്ഷത്തെ ബിബിന്‍ തോമസിനെയാണ് ജോർജ് പരാജയപ്പെടുത്തിയത്.

320 വോട്ട് ജോര്‍ജ് തോമസ് മൈലാടിക്കും ബിബിന്‍ തോമസിന്‌ 257 വോട്ടുമാണ് ലഭിച്ചത്.  ഫുട്‌ബോള്‍ ചിഹ്നമായിരുന്നു ജോർജ് തോമസിന്.

അതേസമയം സിപിഎം സ്ഥാനാര്‍ഥിക്ക്  29 വോട്ടും ബിജെപിക്ക് 15 വോട്ടും മാത്രമെ നേടാനായുള്ളൂ.

ഇരുവിഭാഗത്തിന് വേണ്ടിയും പ്രചാരണത്തിനിറങ്ങാതെ കോൺഗ്രസ് മന:സാക്ഷി വോട്ടിന് ആഹ്വാനം ചെയ്തു.