Kerala Rain| കോട്ടയത്ത് കാർ ഒഴുക്കിൽപ്പെട്ടു; ജില്ലയിലെ ഏഴു പ്രധാന റോഡുകളിൽ വെള്ളക്കെട്ട്; ചിത്രങ്ങൾ കാണാം

കോട്ടയം: കോട്ടയത്ത്  ശക്തമായ മഴ.  താഴ്ന്ന പ്രദേശങ്ങൾ വെള്ളത്തിനടിയിലായി. മണർകാട് കാർ ഒഴുക്കിൽപ്പെട്ട് യുവാവിനെ കാണാതായി. മണർകാട് നാലു മണിക്കാറ്റിന് സമീപം പാലമുറിയിലാണ് അപകടം. അങ്കമാലി സ്വദേശിയെയാണ് കാണാതായത്.

എയർപോർട്ട് ടാക്സി ഡ്രൈവറായ ജസ്റ്റിനാണ് അപകടത്തിൽ പെട്ടത്. ഒഴുക്കിൽപ്പെട്ട കാർ തള്ളി മാറ്റുന്നതിനിടെയാണ് യുവാവ് ഒഴുക്കിൽ പെട്ടത്. രാത്രി ഒരു മണിയോടെ അപകടം ഉണ്ടായത്.

മീനച്ചിലാറ്റിൽ ജലനിരപ്പുയർന്നതിനെ തുടര്‍ന്ന് കോട്ടയം നഗരത്തിൽ വെള്ളം കയറിയിരിക്കുകയാണ്. വൈക്കം, ചങ്ങനാശേരി, കോട്ടയം താലൂക്കുകളിൽ സ്ഥിതി രൂക്ഷമാണ്. ജില്ലയിലെ ഏഴു പ്രധാന റോഡുകളിൽ വെള്ളക്കെട്ട് രൂപപ്പെട്ടിരിക്കുകയാണ്. ഇതിനെ തുടർന്ന് വാഹനങ്ങൾ വഴി തിരിച്ചാണ് വിടുന്നത്.

ആലപ്പുഴ- ചങ്ങനാശ്ശേരി റോഡ് പൂര്‍ണമായി വെള്ളത്തിലാണ്. കോട്ടയം കുമരകം റോഡിൽ ഇല്ലിക്കൽ 600 മീറ്റർ വരെ വെള്ളത്തിലാണ്. ഇതിനെ തുടർന്ന് ഇവിടേക്കുള്ള യാത്രക്കാർ ആലുംമൂട് -ടോൾഗേറ്റ് റോഡിലേക്ക് തിരിഞ്ഞു പോകണം.

പാലയിൽ നിന്ന് ഈരാറ്റുപേട്ടയിലേക്കുള്ള റോഡിൽ മൂന്നാണി 200 മീറ്റർ വരെ വെള്ളത്തിലാണ്. ഈ റോഡിലേക്കുള്ള യാത്രക്കാർ പ്രവിത്താനത്തു നിന്ന് പ്ലാശനൽ ബൈപാസ് വഴി തിരിഞ്ഞു പോകണം.

പാലാ ഏറ്റുമാനൂർ റോഡിൽ കൊട്ടാരമറ്റം സ്റ്റാൻഡിൽ വെള്ളം കയറി. ഇതുവഴി യാത്ര ചെയ്യേണ്ടവർ പാലാ ബൈപാസ് വഴി തിരിഞ്ഞ് പോകണം.

മണര്‍ക്കാട്- ഏറ്റുമാനൂര്‍ ബൈപാസിൽ പ്ലാമുറി ഏരിയയിൽ വെള്ളം കയറിയിട്ടുണ്ട്. ഇതുവഴി യാത്ര ചെയ്യേണ്ടവർ അയ്യർകുന്നം , തിരുവഞ്ചൂർ, ഏറ്റുമാനൂർ വഴി തിരിഞ്ഞു പോകണം.

എസി റോഡ്- നാഗപടം, മാതൃഭൂമി റോഡ് ഏരിയയിലും വെള്ളം കയറി. ഇതുവഴിയുള്ള യാത്രക്കാർ ചുങ്കം- മെഡിക്കൽ കോളജ് വഴി യാത്രചെയ്യണം.

തലയോലപ്പറമ്പ്- വൈക്കം റോഡിൽ വടയാർ ഏരിയയിൽ വെള്ളം കയറി. ഇവിടേക്കുള്ള യാത്രക്കാർ തലയോലപ്പറമ്പ്, പള്ളിക്കവല, കാഞ്ഞിരമറ്റം വഴി തിരിഞ്ഞ് പോകണം.

ശക്തമായ മഴയെ തുടർന്ന് കല്ലറ 110 പാടശേഖരത്തില്‍ മടവീഴ്ചയുണ്ടായി. ജില്ലയിലെ വിവിധ ഭാഗങ്ങളിൽ ദുരിതാശ്വാസ ക്യാംപുകളും തുറന്നു.

ശക്തമായ മഴയെ തുടർന്ന് കോട്ടയത്ത് റോഡിൽ വെള്ളം കയറി.

ശക്തമായ മഴയെ തുടർന്ന് കോട്ടയത്ത് റോഡിൽ വെള്ളം കയറി.

ശക്തമായ മഴയെ തുടർന്ന് കോട്ടയത്ത് റോഡിൽ വെള്ളം കയറി.

ശക്തമായ മഴയെ തുടർന്ന് കോട്ടയത്ത് റോഡിൽ വെള്ളം കയറി.