കേരളത്തെ നടുക്കിയ ദുരന്ത വ്യാഴം; അപകടം അശ്രദ്ധ മൂലമോ?

കേരളത്തെ നടുക്കിയ അപകടം പുലർച്ചെ മൂന്നരയോടെ. ബംഗളുരുവിൽ നിന്ന് എറണാകുളത്തേക്കു വന്ന കെഎസ്ആർടി വോൾവോ ബസ്സാണ് അപകടത്തിൽ പെട്ടത്. ബസ്സിൽ ഇടിച്ചു കയറിയത് സേലത്തേക്ക് പോയ കണ്ടെയ്‌നർ ലോറി

അപകടം അശ്രദ്ധ മൂലമെന്നാണ് പ്രാഥമിക വിലയിരുത്തൽ. കണ്ടെയ്നർ ലോറിയുടെ ഡ്രൈവർ ഉറങ്ങിപ്പോയതാണ് അപകട കാരണമെന്ന് ഗതാഗത വകുപ്പ് ഉദ്യോഗസ്ഥർ

ബസ്സിലുണ്ടായിരുന്നത് 48 യാത്രക്കാർ. പരിക്കേറ്റ് ചികിത്സയിൽ കഴിയുന്നത് ഇരുപതിലധികം പേർ. ഗുരുതര പരിക്കേറ്റ ആറ് പേരിൽ മൂന്നുപേരുടെ നില അതീവ ഗുരുതരം

മരിച്ചവരുടെ മൃതദേഹം ഉടൻ നാട്ടിലെത്തിക്കുമെന്ന് മുഖ്യമന്ത്രി. പരിക്കേറ്റവർക്ക് ആവശ്യമായ എല്ലാ ചികിത്സയും ഉറപ്പാക്കും. തമിഴ്നാട് സർക്കാരുമായും തിരുപ്പൂർ ജില്ലാ കലക്ടറുമായും സഹകരിച്ച് സാധ്യമായ എല്ലാ നടപടികളും സ്വീകരിച്ചെന്നും മുഖ്യമന്ത്രി

മരിച്ചവരുടെ കുടുംബങ്ങൾക്ക് 10 ലക്ഷം രൂപ ധനസഹായം നൽകുമെന്ന് മന്ത്രി എ കെ ശശീന്ദ്രൻ. അടിയന്തര ധനസഹായമായി രണ്ട് ലക്ഷം രൂപ കൈമാറും. പരിക്കേറ്റവർക്കുള്ള ധനസഹായത്തിന്റെ കാര്യത്തിൽ തീരുമാനമെടുക്കുമെന്നും മന്ത്രി.

അപകടത്തെ കുറിച്ച് കെഎസ്ആർടിസി എംഡി അന്വേഷിക്കുമെന്നും ഗതാഗതമന്ത്രി. കണ്ടെയ്‌നർ ലോറി തെറ്റായ ദിശയിൽ എത്തിയതാണ് അപകടം ഉണ്ടാക്കിയത്. ആവശ്യമായ എല്ലാ നടപടിയും സ്വീകരിച്ചിട്ടുണ്ടെന്നും മന്ത്രി.

പരിക്കേറ്റ് ചികിത്സയിൽ കഴിയുന്നവിരിൽ അധികവും മലയാളികൾ. പരിക്കേറ്റവർക്ക് സൗജന്യ ചികിത്സ ഉറപ്പാക്കുമെന്ന് ആരോഗ്യമന്ത്രി കെകെ ശൈലജ.

അപകടത്തിൽ ബസ് ഡ്രൈവറും കണ്ടക്ടറും മരിച്ചു. അപകടത്തിൽ മരിച്ചത് എറണാകുളത്ത് നിന്നുള്ള എട്ട് പേർ. ബസ് ജീവനക്കാർക്ക് പുറമേ ജിസ്മോൻ ഷാജു, ഐശ്വര്യ , ഗോപിക, മാനസി മണികണ്ഠൻ, എം സി മാത്യു, ശിവശങ്കരൻ എന്നിവരും എറണാകുളം സ്വദേശികൾ.

പാലക്കാട് ജില്ലയിലെ മൂന്ന് പേർ അപകടത്തിൽ മരിച്ചു. മരിച്ചത് തിരുവേഗപ്പുറ സ്വദേശി രാകേഷ്. മംഗലാംകുന്ന് സ്വദേശി ശിവകുമാർ, ശാന്തി കോളനി സ്വദേശി റോസ്‌ലി

അപകടത്തിൽ തൃശൂർ ജില്ലയിലെ 6 പേർ മരിച്ചു. ഒല്ലൂർ അപ്പാടൻ വീട്ടിൽ ഇഗ്‌നി റാഫേൽ , പുറനാട്ടുവളപ്പിൽ ഹനീഷ് , അണ്ടത്തോട് സ്വദേശി നസീഫ് മുഹമ്മദ് അലി, എയ്യാൽ സ്വദേശി അനു കെവി ,ജോഫി പോൾ ,യേശുദാസ് എന്നിവർ

മരിച്ചവരിൽ ഒരു കണ്ണൂർ സ്വദേശിയും. പയ്യന്നൂർ സ്വദേശി സനൂപിനാണ് ജീവൻ നഷ്ടമായത്. മരിച്ച കിരൺ കുമാർ കർണാടകയിലെ തുംകൂർ സ്വദേശി.