പ്രളയബാധിത മേഖലയിലെ വിദ്യാർഥികൾക്ക് കൈത്താങ്ങുമായി കൊച്ചി മെട്രോ ജീവനക്കാരും

കൊച്ചി: നിലമ്പൂർ മേഖലയിലെ പ്രളയത്തിൽ പഠനോപകരണങ്ങൾ നഷ്ടമായ വിദ്യാർഥികൾക്ക് സഹായവുമായി കൊച്ചി മെട്രോ എംപ്ലോയീസ് യൂണിയൻ. പ്രളയബാധിത മേഖലയിലെ വിദ്യാർഥികൾക്കുള്ള പഠനോപകരണങ്ങൾ അടങ്ങിയ സ്കൂൾ കിറ്റുകൾ വിവിധ സ്കൂളുകളിൽ വിതരണം ചെയ്തു.

ചന്തക്കുന്ന് ജി എൽ പി സ്കൂളിൽ നടന്ന ചടങ്ങിൽ അഡീഷണൽ ജില്ലാ മജിസ്ട്രേറ്റ് മെഹർ അലി സ്കൂൾ കിറ്റ് വിദ്യാർത്ഥികൾക്ക് നൽകി കൊണ്ട് വിതരണോദ്ഘാടനം നിർവഹിച്ചു. പ്രധാനാധ്യാപകൻ ജോർജ്, കൊച്ചി മെട്രോ എംപ്ലോയീസ് യൂണിയൻ സെക്രട്ടറി സിബി എം എം, നിലമ്പൂർ താലൂക്ക് റെവന്യൂ കളക്ഷൻ സെന്റര് കോർഡിനേറ്റർ രാജീവ് എന്നിവർ സംസാരിച്ചു.

ചന്തക്കുന്ന് എ യു പി സ്കൂൾ ,നിലമ്പൂർ മോഡൽ യു പി സ്കൂൾ ,മാനവേദൻ ഹയർ സെക്കണ്ടറി സ്കൂൾ, ഗവ.എൽ പി സ്കൂൾ വീട്ടിക്കുത്ത്,ഗവ ഹയർ സെക്കണ്ടറി സ്കൂൾ മമ്പാട് എന്നീ സ്കൂളിലെ പ്രധാന അദ്ധ്യാപകർ മുഖേനയാണ് പഠനോപകരണങ്ങൾ വിതരം ചെയ്തത്.

കൊച്ചി മെട്രോ എംപ്ലോയീസ് യൂണിയൻ പ്രസിഡന്‍റ് ജയലാൽ ജെ, വൈസ് പ്രെസിഡണ്ട് ബോണി വർഗീസ്, ട്രഷറർ ജ്യോതിഷ് മോഹൻ, ശ്രീനാഥ് ഗോപിനാഥ് എന്നിവർ നേതൃത്വം നൽകി. പ്രളയ ദുരിതാശ്വാസ പ്രവർത്തനത്തിന് ഡ്രൈവേഴ്സ് യൂണിയനാണ് വാഹനം സൗകര്യം ഏർപ്പാടാക്കി നൽകിയത്.