Accident | KSRTC Swift ബസും കാറും കൂട്ടിയിടിച്ച് രണ്ടു മരണം; കാർ പൂർണമായി തകര്‍ന്നു

ചെങ്ങന്നൂർ എം.സി.റോഡിൽ മുളക്കുഴ വില്ലേജ് ഓഫീസിനു സമീപം കെ.എസ്.ആർ.ടി.സി. സ്വിഫ്റ്റ് ബസും കാറും കൂട്ടിയിടിച്ച് രണ്ടുപേർ മരിച്ചു.

എഴുപുന്ന സ്വദേശി ഷിനോയി (26), ചേർത്തല പള്ളിപ്പുറം സ്വദേശി വിഷ്ണു എന്നിവരാണ് മരിച്ചത്. ബുധനാഴ്ച രാത്രി പതിനൊ ന്നരയോടെയാണ് അപകടം.

തിരുവനന്തപുരത്തുനിന്ന് സുൽത്താൻബത്തേരിക്കു പോകുകയായിരുന്നു ബസും തിരുവനന്തപുരം ഭാഗത്തേക്കു പോകുകയായിരുന്ന കാറുമാണ് അപകടത്തിൽപ്പെട്ടത്.

ഇടിയുടെ ആഘാതത്തില്‍ കാര്‍ പൂര്‍ണമായി തകര്‍ന്നു. ബസിന്റെ മുന്‍ഭാഗവും തകര്‍ന്നിട്ടുണ്ട്.

നാട്ടുകാരും പോലീസും ചേർന്ന് പരിക്കേറ്റ വരെ ചെങ്ങന്നൂർ ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

തിരുവനന്തപുരത്തുനിന്ന് സുല്‍ത്താന്‍ബത്തേരിക്കു പോകുകയായിരുന്ന കെഎസ്ആര്‍ടിസി സ്വിഫറ്റ് ബസാണ് അപകടത്തില്‍പ്പെട്ടത്. ദീര്‍ഘദൂര സര്‍വീസുകള്‍ക്കായി കെഎസ്ആര്‍ടിസി ആരംഭിച്ച സംരഭമാണ് കെ-സ്വിഫറ്റ്

മുഖ്യമന്ത്രി ഉദ്ഘാടനം ചെയ്ത ആദ്യ ട്രിപ്പ് മുതല്‍ സംസ്ഥാനത്തിന്‍റെ വിവിധ ഭാഗങ്ങളിലായി സ്വിഫ്റ്റ് ബസുകള്‍ അപകടത്തില്‍പ്പെടുന്നത് വലിയ ചര്‍ച്ചയായിരുന്നു. സ്വകാര്യ ബസ് ലോബിയാണ് ഇതിന് പിന്നിലെന്നും അപകടങ്ങള്‍ക്ക് പിന്നിലെ ദുരൂഹത കണ്ടെത്തണമെന്നും KSRTC ആവശ്യപ്പെട്ടിരുന്നു