LockDown| സംസ്ഥാനത്തേക്ക് മദ്യ ലോഡുമായെത്തിയ ലോറി ഡ്രൈവർമാർ രണ്ട് മാസമായി ദുരിതത്തിൽ

മാർച്ചിലാണ് സംസ്ഥാനത്തെ വിവിധ  ഗോഡൗണുകളിലേക്കുള്ള ലോഡുമായി ഗോവയിൽ നിന്നടക്കം 300 ഓളം ലോറികൾ എത്തിയത്.

ലോക്ക് ഡൗൺ പ്രഖ്യാപിച്ചതോടെ ലോറി ഡ്രൈവർമാർ ദുരിതത്തിലായി. ബെവ് കോ ഔട്ട് ലെറ്റുകൾ തുറക്കാതെ ഗോഡൗണിൽ ലോഡ് ഇറക്കാൻ സാധിക്കില്ലെന്ന നിലപാടാണ് അധികൃതർ സ്വീകരിച്ചത്.

തിരുവനന്തപുരത്ത് ആദ്യം ആറ്റിങ്ങലിന് സമീപം ദേശീയ പാതയയോരത്ത് പിടിച്ചിട്ടിരുന്ന ലോറികളിലെ മദ്യ കുപ്പികൾ മോഷണം പോയതോടെ ലോറികൾ ബാലരാമപുരം, നെടുമങ്ങാട് ഗോഡൗണുകളിലേക്ക് മാറ്റി.

 രണ്ട് മാസമായി ചെലവിന് പോലും പണം കണ്ടെത്താനാകാതെയും അടിസ്ഥാന സൗകര്യമില്ലാതെയും ലോറികളിൽ തന്നെ ജീവിതം  കഴിച്ച് കൂട്ടുകയാണ് ഡ്രൈവർമാർ.

ദുരിത ജീവിതം പലപ്പോഴായി  എക്സൈസിൻറെയും ബെവ്റേജസ് കോർപ്പറേഷൻറെയും ശ്രദ്ധയിൽപ്പെടുത്തിയിട്ടും അനുകൂല സമീപനമുണ്ടായിട്ടില്ലെന്ന് ലോറി ഡ്രൈവർമാർ പറയുന്നു.