Theyyam| 'ഭക്തിയിലാറാടി കണിച്ചുകുളങ്ങര'; മലബാർ തെയ്യത്തിന്റെ ചിത്രങ്ങൾ പങ്കുവെച്ച് വെള്ളാപ്പള്ളി നടേശൻ

ഉത്തരകേരളത്തിലെ അരാധനാ സമ്പ്രദായങ്ങളിൽ പ്രാധാന്യമേറിയ ഒന്നാണ്, അനുഷ്ഠാന കർമ്മമായ തെയ്യം. ഇപ്പോഴിതാ, കണിച്ചുകുളങ്ങരയിലെ ക്ഷേത്രോത്സവത്തിന് തെയ്യം കെട്ടിയാടുന്ന ചിത്രം പങ്കുവെച്ചിരിക്കുകയാണ് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ.

സവിശേഷമായ കലാപരമായ പാരമ്പര്യത്തിന് ജന്മം നൽകുകയും സംരക്ഷിക്കുകയും ചെയ്തതിന്റെ ബഹുമതി കേരളത്തിലെ മലബാർ പ്രദേശത്തിനുണ്ടെന്നും ഫേസ്ബുക്ക് പോസ്റ്റിൽ വെള്ളാപ്പള്ളി പറയുന്നു.

സങ്കീർണ്ണവും മനോഹരവുമായ മുഖത്തെഴുത്തും കുരുത്തോലകളും പൂക്കളും മറ്റും ഉപയോഗിച്ചുള്ള രക്തവർണ്ണാങ്കിതമായ ആടയാഭരണങ്ങളും ചെണ്ട, ചേങ്ങില, ഇലത്താളം, കറുംകുഴൽ, തകിൽ, തുടങ്ങിയ വാദ്യമേളങ്ങളും, ലാസ്യ താണ്ഡവ നൃത്താദികളും സമ്മോഹനമായി സമ്മേളിക്കുന്ന തെയ്യം വിശ്വാസത്തോടൊപ്പം കലാസ്വാദനചാതുര്യവും ഉണർത്തുന്ന അപൂർവമായ ഒരു കലാരൂപമാണെന്ന് വെള്ളാപ്പള്ളി പറയുന്നു.

ഭക്തർക്ക് ആശ്വാസവും അനുഗ്രഹവും നൽകി കണിച്ചുകുളങ്ങര ക്ഷേത്രഉത്സവത്തോടനുബന്ധിച്ച് ഏറെ സവിശേഷമായ ഒന്നായിരുന്നു മലബാർ തെയ്യം. ഭഗവതി തെയ്യം, ഗുളികൻ തെയ്യം, വിഷ്ണുമൂർത്തി തെയ്യം എന്നീ ഭഗവത് രൂപങ്ങൾ ആണ് അരങ്ങിൽ എത്തിയത്.

കണിച്ചുകുളങ്ങര ക്ഷേത്രത്തിലെ ഉത്സവ ചരിത്രത്തിൽ ആദ്യമായി നടത്തിയ മലബാർ തെയ്യം ഭക്തർക്ക് നവ്യാനുഭവമായിമാറി.

ആലപ്പുഴ കണിച്ചുകുളങ്ങര ക്ഷേത്രോത്സവത്തിൽ മലബാർ തെയ്യം അവതരിപ്പിച്ചപ്പോൾ

തെയ്യത്തിന് മുന്നിൽ അനുഗ്രഹം തേടി എസ് എൻ ഡി പി യോഗം ജനറൽ സെക്രട്ടറി വെള്ളാപ്പള്ളി നടേശൻ

തെയ്യത്തിന് മുന്നിൽ അനുഗ്രഹം തേടി എസ് എൻ ഡി പി യോഗം ജനറൽ സെക്രട്ടറി വെള്ളാപ്പള്ളി നടേശൻ