അച്ഛനറിഞ്ഞിരുന്നോ മകൾ ഭാവിയിൽ മലയാള സിനിമയുടെ മുഖമാവുമെന്ന്? ഈ ചിത്രത്തിലെ കുരുന്നു സഹോദരങ്ങളെ മനസ്സിലായോ?

അച്ഛന്റെ കയ്യിൽ ഇടം വലം രണ്ടു കുരുന്നുകൾ; മകനും മകളും. അന്നച്ഛനറിഞ്ഞിട്ടുണ്ടാവുമോ മകൾ ഭാവിയിൽ വലിയ താരമാവുമെന്ന്? മക്കൾ ഇരുവരും മലയാള സിനിമയിൽ തിളങ്ങുമെന്ന്?

മാധവൻ, ഗിരിജ ദമ്പതികൾ മക്കളുടെ കുട്ടിക്കാലത്ത് അവർക്കൊപ്പമുള്ള ചിത്രമാണിത്. ആ കുട്ടികൾ ആരെന്നല്ലേ?

ഇതാണവർ മുതിർന്നപ്പോഴുള്ള ചിത്രം. ചേട്ടൻ മധു വാര്യർ കണ്ടെടുത്ത കുട്ടിക്കാല ചിത്രം ഇൻസ്റ്റാഗ്രാമിൽ മഞ്ജു വാര്യർ ഷെയർ ചെയ്തതാണ് ആദ്യം കണ്ട ചിത്രം

ഇനി ചേട്ടനും അനിയത്തിയും മറ്റൊരു കൂട്ടുകെട്ടിൽ വെള്ളിത്തിരയിലെത്തും. 'ലളിതം സുന്ദരം' എന്ന മധുവിന്റെ ആദ്യ സംവിധാന സംരംഭത്തിൽ അനുജത്തി മഞ്ജുവാണ് നായിക. മഞ്ജു വാരിയർ പ്രൊഡക്‌ഷൻസ് സെഞ്ച്വറിയുടെ സഹകരണത്തോടെയാണ് ചിത്രം നിർമ്മിക്കുന്നത്

സ്കൂൾകാലങ്ങളിലും കലോത്സവ വേദിയിലും യു.വി. മഞ്ജു എന്ന പേരിലാണ് മഞ്ജു വാര്യർ അറിയപ്പെട്ടിരുന്നത്. ഒൻപതാം ക്‌ളാസിൽ പഠിക്കുമ്പോൾ സ്കോളർഷിപ് നേടിയ വാർത്തയാണിത്

'കണ്ണെഴുതി പൊട്ടുംതൊട്ട്' സിനിമയിലൂടെ അഭിനയത്തിന്റെ ആദ്യ ഇന്നിംഗ്സ് അവസാനിപ്പിച്ച മഞ്ജു 'ഹൗ ഓൾഡ് ആർ യു'വിലൂടെയാണ് അഭിനയജീവിതത്തിലേക്ക് മടങ്ങിയെത്തിയത്. 'മരയ്ക്കാർ അറബിക്കടലിന്റെ സിംഹമാണ്' മഞ്ജുവിൻറെ ഇനി റിലീസ് ആവാൻ കാത്തിരിക്കുന്ന ചിത്രം