PHOTOS | അട്ടപ്പാടിയിലെ ഏറ്റുമുട്ടലിനിടെ രക്ഷപ്പെട്ട മാവോവാദി പിടിയിൽ

അട്ടപ്പാടി മഞ്ചിക്കണ്ടിയിൽ ഏറ്റുമുട്ടലിനിടെ രക്ഷപ്പെട്ട മാവോവാദി പിടിയിൽ. മാവോവാദികള്‍ക്ക് ആയുധപരിശീലനം നല്‍കിയിരുന്ന ദീപക് എന്ന ചന്തു ആണ് കേരളാ-തമിഴ്നാട് അതിര്‍ത്തിയിലെ വനമേഖലയില്‍നിന്ന് പിടിയിലായത്.

നാടന്‍ തോക്കും വെടിയുണ്ടകളും രേഖകളും പൊലീസ് ഇയാളില്‍നിന്ന് പിടിച്ചെടുത്തു. കഴിഞ്ഞമാസം മഞ്ചക്കണ്ടി വനമേഖലയില്‍ ഏറ്റുമുട്ടല്‍ നടന്ന സമയത്ത് ദീപക് അവിടെയുണ്ടായിരുന്നു. ഛത്തീസ്ഗഢ് സ്വദേശിയാണ്.

പശ്ചിമഘട്ട മേഖലയിലെ മാവോവാദികള്‍ക്ക് ദീപക്കാണ് ആയുധ പരിശീലനം നല്‍കിയിരുന്നത്. ദീപക് മാവോവാദികള്‍ക്ക് ആയുധപരിശീലനം നല്‍കുന്നതിന്റെ ചിത്രങ്ങളും വീഡിയോകളും നേരത്തെ പോലീസ് പുറത്തുവിട്ടിരുന്നു. ദീപക്കിനെ എസ്.ടി.എഫ് തമിഴ്നാട് ക്യൂ ബ്രാഞ്ചിനു കൈമാറും. അതിനു ശേഷമേ ഇവരെ കേരളാ പോലീസിന് ലഭിക്കൂ.