ബേപ്പൂരില്‍ ഡോക്ടര്‍മാര്‍ രോഗികളെ വീട്ടിലെത്തി പരിശോധിക്കും; അപ്പോത്തിക്കിരി പദ്ധതിയുമായി മുഹമ്മദ് റിയാസ്
സഞ്ചരിക്കുന്ന ലബോറട്ടറിയും വിദഗ്ധ ഡോക്ടറുടെയും നഴ്‌സുമാരുടെയും സേവനവും ഉറപ്പാക്കിയാണ് പദ്ധതി.
News18 Malayalam | May 17, 2021, 2:52 PM IST
1/ 6
കോവിഡിലും ലോക്ക്ഡൗണിലും പെട്ട് ആരോഗ്യപ്രശനങ്ങള്‍ അനുഭവിക്കുന്നവര്‍ക്ക് ആശ്വാസമായി നിയുക്ത എം.എല്‍.എ പി.എ മുഹമ്മദ് റിയാസിന്റെ അപ്പോത്തിക്കിരി പദ്ധതി. മണ്ഡലത്തില്‍ ആശുപത്രിയിലെത്താന്‍ ബുദ്ധിമുട്ടുന്ന രോഗികളെ വീട്ടില്‍ച്ചെന്ന് പരിശോധിക്കുന്നതാണ് പദ്ധതി. കോവിഡ്, കോവിഡ് ഇതര രോഗികള്‍ക്ക് സേവനം ലഭിക്കും.
2/ 6
സഞ്ചരിക്കുന്ന ലബോറട്ടറിയും വിദഗ്ധ ഡോക്ടറുടെയും നഴ്‌സുമാരുടെയും സേവനവും ഉറപ്പാക്കിയാണ് പദ്ധതി. കോവിഡ് പ്രതിരോധത്തിനായി മണ്ഡലത്തില്‍ ആവിഷ്‌കരിച്ച എന്റെ ബേപ്പൂര്‍ പദ്ധതിയുടെ ഭാഗമായാണിതെന്ന് നിയുക്ത എം.എല്‍.എ പി. എ മുഹമ്മദ് റിയാസ് പറഞ്ഞു.
3/ 6
പീഡിയാട്രിക്, ഗൈനക്കോളജി, ഇ.എന്‍.ടി,ഫാമിലി മെഡിസിന്‍ തുടങ്ങിയ മേഖലകളിലെ സേവനവും ലഭ്യമാകും. ബുക്കിങ്ങിന് ബന്ധപ്പെടേണ്ട നമ്പര്‍. 0495 2481187,9744748169, 9895111895
4/ 6
ബേപ്പൂര്‍ മണ്ഡലത്തില്‍ കോവിഡ് പ്രതിരോധ പ്രവര്‍ത്തനങ്ങള്‍ക്ക് നേത്യത്വം നല്‍കാന്‍ എം.എല്‍.എ ഓഫീസ് കേന്ദ്രീകരിച്ച് കണ്‍ട്രോള്‍ റൂം പ്രവര്‍ത്തനം ആരംഭിച്ചു. മണ്ഡലത്തിലെ തദ്ദേശ സ്വയംഭരണ സ്ഥാപനങ്ങള്‍ , ഹെല്‍ത്ത് സെന്ററുകള്‍ എന്നിവയെ കോര്‍ത്തിണക്കിയുള്ള പ്രവര്‍ത്തനമാണ് കണ്‍ട്രോള്‍ റൂം.
5/ 6
ആരോഗ്യ വകുപ്പ്, ജില്ലാ ഭരണകൂടം, ഡി.എം.ഒ, എന്‍.എച്ച്.എം, പോലീസ് എന്നീ ഓഫീസുകളുമായി ബന്ധപ്പെട്ട് കൊണ്ട് മണ്ഡലത്തിലാകെയുള്ള കോവിഡ് പ്രതിരോധ പ്രവര്‍ത്തനം മുന്നോട്ട് കൊണ്ട് പോകുന്നതാണ് പദ്ധതിയെന്ന് മുഹമ്മദ് റിയാസ് പറഞ്ഞു.
6/ 6
മണ്ഡലത്തിന് പ്രത്യേകമായ കോവിഡ് ആശുപത്രിയും സജ്ജീകരിച്ചിട്ടുണ്ട്. ഫറോക്ക് ഇ എസ് ഐ ഹോസ്പിറ്റല്‍ 90 രോഗികളെ കിടത്തി ചികില്‍സിക്കാനുള്ള ബെഡുകളും ഓക്‌സിജന്‍ ലഭ്യതയും ഒരുക്കിയിട്ടുണ്ട്.
