വൈന്‍ നിര്‍മാണത്തിന് വിലക്കില്ലെന്ന് സര്‍ക്കാര്‍. റിപ്പോർട്ട്: വി. വി അരുൺ
News18 Malayalam | December 4, 2019, 7:32 PM IST
1/ 6
തിരുവനന്തപുരം: ക്രിസ്മസ് കൊഴുപ്പിക്കാന്‍ വൈന്‍ ഉണ്ടാക്കിയവര്‍ക്ക് സന്തോഷ വാര്‍ത്ത. എക്‌സൈസിനെ പേടിക്കാതെ ഇനി അതു കുടിക്കാം. സുഹൃത്തുക്കള്‍ക്കും കൊടുക്കാം. പക്ഷേ വില്പന പാടില്ലെന്നു മാത്രം. എക്‌സൈസ് വകുപ്പിന്റേതാണ് അറിയിപ്പ്.
2/ 6
ആല്‍ക്കഹോള്‍ സാനിധ്യമില്ലാത്ത വൈന്‍ വീടുകളില്‍ നിര്‍മിക്കുന്നതിന് വിലക്കില്ലെന്ന് എക്‌സൈസ് കമ്മിഷണര്‍ വ്യക്തമാക്കി. വീടുകളിലെ വൈന്‍ നിര്‍മാണം അബ്കാരി നിയമപ്രകാരം കുറ്റകരമാണെന്ന മുന്നറിയിപ്പോടെയുള്ള സര്‍ക്കുലര്‍ വിവാദമായ സാഹചര്യത്തിലാണ് എക്‌സൈസിന്റെ പുതിയ വിശദീകരണം
3/ 6
ക്രിസ്മസ് പുതുവര്‍ഷ ആഘോഷവുമായി ബന്ധപ്പെട്ട് ലഹരിയുള്ള വൈന്‍ ഉത്പാദിപ്പിച്ച് വാണിജ്യാടിസ്ഥാനത്തില്‍ വില്‍ക്കുന്നതിന് മാത്രമാണ് നിയന്ത്രണം. ഇത്തരത്തിലുള്ള പരസ്യം നല്‍കി മാര്‍ക്കറ്റില്‍ ഇടംനേടാനുള്ള ശ്രമത്തിനെതിരേ ശ്രദ്ധവേണമെന്ന് എക്‌സൈസ് കമ്മിഷണര്‍ ഉദ്യോഗസ്ഥര്‍ക്ക് നിര്‍ദേശം നല്‍കി.
4/ 6
എന്നാല്‍ ക്രിസ്മസ് ആഘോഷത്തിന്റെ ഭാഗമായ ആല്‍ക്കഹോള്‍ സാനിധ്യമില്ലാത്ത വൈനിന്റെ ഉത്പാദനവും ഉപയോഗവും നിയന്ത്രിച്ചെന്ന തരത്തില്‍ വരുന്ന വാര്‍ത്തകള്‍ ശരിയല്ലെന്ന് എക്‌സൈസ് കമ്മിഷണര്‍ എസ്.ആനന്ദകൃഷ്ണന്‍ പറഞ്ഞു.
5/ 6
ആല്‍ക്കഹോളിന്റെ സാനിധ്യമില്ലാത്ത വൈന്‍ നിര്‍മാണം സംബന്ധിച്ച പ്രത്യേക പരിശോധനകള്‍ എക്‌സൈസ് വകുപ്പ് പ്രഖ്യാപിച്ചിട്ടില്ല. ആല്‍ക്കഹോള്‍ ഇല്ലാത്ത വൈന്‍ എന്ന വ്യാജേന ആല്‍ക്കഹോള്‍ കലര്‍ന്ന വൈന്‍ വാണിജ്യാടിസ്ഥാനത്തില്‍ നിര്‍മിക്കുന്നത് ശ്രദ്ധയില്‍പ്പെട്ടിട്ടുണ്ട്. ഇതു തടയാനാണ് നിരീക്ഷണം വേണമെന്നു തീരുമാനിച്ചതും അതുസംബന്ധിച്ച സര്‍ക്കുലര്‍ പുറത്തിറക്കിയതും.
6/ 6
ഇത്തരത്തിലുള്ള വ്യാജ വൈന്‍ നിര്‍മാണവും ഉപയോഗവും അപകടമുണ്ടാക്കുമെന്നും എക്‌സൈസ് വകുപ്പ് മുന്നറിയിപ്പു നല്‍കുന്നു. വീടുകളില്‍ വൈന്‍ ഉണ്ടാക്കുന്നതിന് നിയന്ത്രണമെന്ന തരത്തിലുള്ള വാര്‍ത്തകള്‍ വന്നതോടെ സര്‍ക്കാരിനും എക്‌സൈസ് വകുപ്പിനുമെതിരേ വലിയ പ്രതിഷേധം ഉയര്‍ന്നിരുന്നു ഈ സാഹചര്യത്തിലാണ് എക്‌സൈസ് വകുപ്പിന്റെ പുതിയ വീശദീകരണം. വീടുകളിലെ വൈന്‍ നിര്‍മാണത്തിന് വിലക്കില്ലെന്നും ആശങ്ക വേണ്ടെന്നും എക്‌സൈസ് മന്ത്രി ടി.പി.രാമകൃഷ്ണനും പറഞ്ഞു.
