കോവിഡ് രോഗികൾക്ക് പോസ്റ്റൽ വോട്ട് ചെയ്യാൻ ഉദ്യോഗസ്ഥർ റെഡി; ഒരുക്കങ്ങൾ ഇതുവരെ

കോവിഡ് രോഗികൾക്കായി സ്പെഷ്യൽ പോസ്റ്റൽ വോട്ടിങ്ങിന് ഉദ്യോഗസ്ഥർ തയ്യാറാവുന്നു. കോവിഡ് ബാധിതരായ വോട്ടർമാരെയും ക്വറന്റീനിൽ കഴിയുന്നവരെയും 'സ്‌പെഷൽ വോട്ടർമാരായി' പരിഗണിക്കും

രണ്ട് ഉദ്യോഗസ്ഥരും ഒരു പോലീസ് ഓഫീസറും അടങ്ങുന്ന സംഘമാണ് ഒരു ടീം. ആരോഗ്യവകുപ്പിന്റെയും റിട്ടേർണിംഗ് ഓഫീസറുടെയും സഹായത്തോടെ ഈ സേവനം ആവശ്യമുള്ള സ്‌പെഷൽ വോട്ടർമാരുടെ പട്ടിക തയാറാക്കിയ ശേഷമാണ് ടീമിനെ സജ്ജമാക്കുക

പോളിങ്ങിന് പത്തു ദിവസം മുൻപ് ഇവരുടെ പട്ടിക പൂർത്തിയാക്കുന്നതാണ് രീതി. ശേഷം ഓരോ ദിവസവും മൂന്നു മണിക്ക് പട്ടിക പുതുക്കും

പോളിംഗ് ടീം ഓരോ വോട്ടറേയും പ്രത്യേകം സന്ദർശിച്ച് പോസ്റ്റൽ ബാലറ്റ് കിറ്റ് കൈമാറും. ഇതിൽ അപേക്ഷാ ഫോം, സ്വയം സാക്ഷ്യപ്പെടുത്തൽ ഫോം, പോസ്റ്റൽ ബാലറ്റ് ഷീറ്റ് എന്നിവ ഉൾപ്പെടും. അപേക്ഷയും സ്വയം സാക്ഷ്യപ്പെടുത്തൽ ഫോമും പോളിംഗ് ഓഫീസർ സ്ഥലത്തു വച്ച് തന്നെ അറ്റെസ്റ്റ് ചെയ്യും

നവംബർ മാസത്തിൽ തന്നെ തിരഞ്ഞെടുപ്പ് കമ്മിഷൻ സ്‌പെഷൽ വോട്ടർമാരുടെ എണ്ണം തിട്ടപ്പെടുത്താൻ തുടങ്ങിയിരുന്നു. 200 കോടി രൂപയാണ് ഈ വരുന്ന തദ്ദേശ തിരഞ്ഞെടുപ്പിന്റെ മൊത്തം ചിലവായി കണക്കാക്കപ്പെടുന്നത്