പ്രധാനമന്ത്രി നരേന്ദ്ര മോദി നാളെ കൊച്ചിയിൽ; അഞ്ച് ഔദ്യോഗിക പരിപാടികൾ; BJP കോർ കമ്മിറ്റി യോഗത്തിലും പങ്കെടുക്കും

കൊച്ചി; ഔദ്യോഗിക പരിപാടികളുടെ ഭാഗമായി പ്രധാനമന്ത്രി നരേന്ദ്ര മോദി നാളെ കൊച്ചിയിലെത്തും. ബി പി സി എല്ലിന്റെ പുതിയ പെട്രോ കെമിക്കല്‍ പ്ലാന്റ്, അന്താരാഷ്ട്ര ക്രൂയിസ് ടെർമിനൽ തുടങ്ങിയവ രാജ്യത്തിനു സമര്‍പ്പിക്കുന്നതുള്‍പ്പെടെ അഞ്ച് ഔദ്യോഗിക പരിപാടികളാണ് പ്രധാനമന്ത്രിക്കുള്ളത്. ബി ജെ പി കോര്‍കമ്മിറ്റി യോഗത്തിലും നരേന്ദ്രമോദി പങ്കെടുത്തേക്കും. അ​മ്പല​മേ​ട് ബി.​ പി.​ സി.​ എ​ല്‍ കൊ​ച്ചി​ന്‍ റി​ഫൈ​ന​റി​യി​ല്‍ പ്രൊ​പി​ലി​ന്‍ ഡെ​റി​വേ​റ്റി​വ്‌​സ് പെ​ട്രോ​കെ​മി​ക്ക​ല്‍ പ്രോ​ജ​ക്‌ട് (പി.​ഡി.​പി.​പി) ഉ​ദ്ഘാ​ട​ന​ത്തി​നാ​ണ് പ്ര​ധാ​ന​മാ​യും മോദി എ​ത്തു​ന്ന​ത്. 2019 ജ​നു​വ​രി​യി​ല്‍ പ്രധാനമന്ത്രി ത​ന്നെ​യാ​ണ് ഇ​തി​ന്​ ത​റ​ക്കി​ല്ലി​ട്ട​ത്.

സംസ്ഥാനത്തെ വിവിധ വികസന പദ്ധതികളുടെ ഉദ്ഘാടനത്തിനായി ഞായറാഴ്ച ഉച്ച കഴിഞ്ഞ് 2.45ന് കൊച്ചി നാവികസേനാ വിമാനത്താവളത്തില്‍ പ്രധാനമന്ത്രി എത്തും. തുടര്‍ന്ന് ഔദ്യോഗിക പരിപാടികള്‍ ക്രമീകരിച്ചിട്ടുള്ള അമ്പലമുകള്‍ വി എച്ച്‌ എസ്‌ ഇ സ്‌കൂള്‍ ഗ്രൗണ്ടിലേക്ക് പോകും. വൈകിട്ട് നാലര വരെയാണ് വിവിധ ഉദ്ഘാടന പരിപാടികൾ നടക്കുന്നത്. നാലര മുതൽ അഞ്ചു മണി വരെ ബി ജെ പി കോർ കമ്മിറ്റി യോഗത്തിൽ പങ്കെടുക്കും. അതിനുശേഷം പ്രധാനമന്ത്രി ഡൽഹിയിലേക്കു തിരിച്ചു പോകും.

6000 കോ​ടി മു​ട​ക്കി ന​ട​പ്പാ​ക്കി​യ പി.​ ഡി. ​പി.​ പി സം​സ്ഥാ​ന​ത്ത്​ പെ​ട്രോ​കെ​മി​ക്ക​ല്‍ വ്യ​വ​സാ​യ​ങ്ങ​ള്‍ക്ക് പു​തി​യ സാ​ധ്യ​ത​ക​ൾ തുറക്കുമെന്നാണ് വിലയിരുത്തുന്നത്. ഡി​റ്റ​ര്‍ജ​ന്‍​റ്​​സ്, പെ​യി​ന്‍​റ്, പ​ശ, സോ​ള്‍വെന്‍റ്​​സ്, ജ​ല​ശു​ദ്ധീ​ക​ര​ണ​ത്തി​നു​ള്ള രാ​സ​വ​സ്തു​ക്ക​ള്‍ തു​ട​ങ്ങി​യ​വ​യു​ടെ നി​ര്‍മാ​ണ​ത്തി​നു​ള്ള അ​സം​സ്‌​കൃ​ത വ​സ്തു​ക്ക​ളാ​യ അ​ക്രി​ലേ​റ്റ്‌​സ്, അ​ക്രി​ലി​ക് ആ​സി​ഡ്, ഓ​ക്‌​സോ ആ​ല്‍ക്ക​ഹോ​ള്‍സ് എ​ന്നി​വ​യാ​ണ് ഇ​വി​ടെ ഉ​ല്‍പാ​ദി​പ്പി​ക്കു​ന്ന​ത്. അ​ക്രി​ലേ​റ്റ്‌​സും അ​ക്രി​ലി​ക് ആ​സി​ഡും ഇ​ന്ത്യ പൂ​ര്‍​ണ​മാ​യും ഇ​റ​ക്കു​മ​തി ചെ​യ്യു​ക​യാ​യി​രു​ന്നു.

പ്ര​തി​വ​ര്‍ഷം 1,60,000 ട​ണ്‍ ഉ​ല്‍പാ​ദ​ന ശേ​ഷി​യു​ള്ള​ അ​ക്രി​ലി​ക് ആ​സി​ഡ് യൂ​നി​റ്റ് ഇ​ന്ത്യ​യി​ല്‍ ആ​ദ്യ​ത്തേ​താ​ണ്. ഓ​ക്‌​സോ ആ​ല്‍ക്ക​ഹോ​ള്‍ യൂ​നി​റ്റി​ന്‍റെ ശേ​ഷി 2,12,000 ട​ണ്ണും അ​ക്രി​ലി​റ്റ്‌​സി​േ​ന്‍​റ​ത്​ 1,90,000 ട​ണ്ണു​മാ​ണ്. അ​ക്രി​ലേ​റ്റ്‌​സ് യൂ​നി​റ്റും രാ​ജ്യ​ത്ത്​ ആ​ദ്യ​ത്തേ​താ​ണ്. 16,500 കോ​ടി മു​ട​ക്കി നി​ര്‍മി​ക്കു​ന്ന സം​യോ​ജ​ന വി​ക​സ​ന പ​ദ്ധ​തി​യു​ടെ തു​ട​ര്‍ച്ച​യാ​യാ​ണ് റി​ഫൈ​ന​റി​യി​ല്‍ പി.​ ഡി.​ പി.​ പി ന​ട​പ്പാ​ക്കി​യ​ത്.

അതിനിടെ പ്രധാനമന്ത്രിയുടെ ​തമിഴ്​നാട്​, കേരള സന്ദര്‍ശനത്തിന്​ മുന്നോടിയായി ട്വിറ്ററില്‍ 'ഗോ ബാക്ക് മോദി' ഹാഷ്​ടാഗ് ട്രെൻഡിങ്ങാകുന്നു​. തമിഴ്​നാട്ടിലെ പരിപാടികള്‍ക്ക്​ ശേഷമാണ്​ പ്രധാനമന്ത്രി കൊച്ചിയിലെത്തുന്നത്​. ട്വിറ്ററില്‍ ഗോബാക്ക്​ മോദി ഹാഷ്​ടാഗില്‍ പോസ്റ്റുകള്‍ നിറഞ്ഞു കഴിഞ്ഞു. കാര്‍ട്ടൂണുകള്‍ ഉള്‍പ്പെടെ പങ്കുവെച്ചാണ്​ ട്വിറ്ററിലെ പ്രതിഷേധം. തകര്‍ന്ന സമ്പദ്​വ്യവസ്​ഥ, തൊഴിലില്ലായ്​മ, കര്‍ഷക സമരം, ഇന്ധന വില വര്‍ധന തുടങ്ങിയ വിഷയങ്ങൾ ചൂണ്ടിക്കാട്ടിയാണ് ട്വിറ്ററിലെ പ്രതിഷേധം. ഞായറാഴ്ച രാവിലെ മോദി ചെന്നൈയിലെ പരിപാടികളില്‍ പ​ങ്കെടുക്കും. ഞായറാഴ്ച ഉച്ചയ്ക്കു 2.45ന്​ കൊച്ചി നാവിക സേന വിമാനത്താവളത്തില്‍ പ്രധാനമന്ത്രിയെത്തും. 

നാളെ കേരളത്തിലെത്തുന്ന പ്രധാനമന്ത്രി ബിജെപിയിലെ സംഘടനാ പ്രശ്നങ്ങളിൽ ഇടപെടുമെന്ന സൂചനയുമുണ്ട്. ശോഭ സുരേന്ദ്രൻ ഇന്ന് പ്രധാനമന്ത്രിയെ നേരിൽ കണ്ടു ഉന്നയിച്ച പ്രശ്നങ്ങൾ സംസ്ഥാന നേതാക്കളുമായി ചർച്ച നടത്തും. സംഘടനയിൽ സജീവമാകാൻ പ്രധാനമന്ത്രി ശോഭ സുരേന്ദ്രന് നിർദ്ദേശം നൽകിയെന്നാണ് വിവരം. നേരത്തെ ദേശീയ അധ്യക്ഷൻ ജെ.പി നഡ്ഡയുമായി ശോഭ സുരേന്ദ്രൻ കൂടിക്കാഴ്ച നടത്തിയിരുന്നു.