ആറു മാസമായി പാലക്കാട് ധോണിക്കാരുടെ ഉറക്കം കെടുത്തിയ കൊമ്പൻ; PT 7 എന്ന 'ധോണി'യെ തളച്ച ദൗത്യസംഘം

കഴിഞ്ഞ ആറു മാസമായി ധോണി നിവാസികളുടെ ഉറക്കം കെടുത്തിയ കൊമ്പനാണ് PT 7. കഴിഞ്ഞ ജൂലൈയിൽ പ്രഭാതസവാരിക്കിറങ്ങിയ ഒരാളെ കൊലപ്പെടുത്തിയ കാട്ടാന വലിയ നാശനഷ്ടമാണ് ഈ മേഖലയിൽ വരുത്തിവെച്ചത്.

പാലക്കാട് ടസ്‌ക്കർ 7 അഥവാ PT 7 എന്ന കൊമ്പൻ കഴിഞ്ഞ നാല് വർഷമായി  ധോണിയിലെ ജനവാസ മേഖലയിൽ ഇറങ്ങാറുണ്ട്. എന്നാൽ ധോണി നിവാസികൾക്ക് ഇവൻ പേടി സ്വപ്നമായത് ആറുമാസം മുൻപാണ്.

കൃത്യമായി പറഞ്ഞാൽ ജൂലൈ എട്ടു മുതൽ. ധോണി സ്വദേശി ശിവരാമനെ അന്നാണ് കാട്ടാന ചവിട്ടി കൊന്നത്. പ്രഭാത നടത്തത്തിന് ഇറങ്ങിയതായിരുന്നു ശിവരാമൻ. വനംവകുപ്പ് സ്ഥിരീകരിച്ചിട്ടില്ലെങ്കിലും ശിവരാനെ കൊന്നത് PT 7 ആണെന്ന് നാട്ടുകാരിൽ വലിയൊരു വിഭാഗം ഉറച്ചു വിശ്വസിക്കുന്നു.

വീട്ടിൽ നിന്ന് ഇറങ്ങിയ ശിവരാമനെ പിന്നീട് കാണുന്നത് ആനയുടെ ചവിട്ടുകൊണ്ട് ചെളിയില്‍ പുതഞ്ഞ് മരിച്ച നിലയിലാണ്. ഡിഎഫ്ഒ ഓഫിസ് ഉപരോധം അടക്കം വലിയ പ്രതിഷേധത്തിന് അന്ന് ധോണി വേദിയായി.

ആനയെ മയക്കുവെടിവയ്ക്കാൻ ധാരണയായെങ്കിലും ഒന്നും നടന്നില്ല. PT 7 പിന്നെയും കാടിറങ്ങി ജനവാസ മേഖലയിൽ എത്തി. നിർമിതികളും നിരവധി കൃഷിയിടങ്ങളും ആന നശിപ്പിച്ചു. കാട്ടാന ഏത് നിമിഷവും ഇറങ്ങാമെന്നതിനാൽ കൃഷിയിടങ്ങളിൽ വിളവെടുപ്പ് കഴിയുന്നതു വരെ രാത്രി മുഴുവൻ കാവൽ നിൽക്കേണ്ട അവസ്ഥയിലായി കർഷകർ.

2021 മാർച്ച് 1മുതൽ 2022 മാർച്ച് 31വരെ 188 ദിവസാം പി ടി സെവൻ ജനവാസന മേഖലയിൽ ഇറങ്ങിയെന്ന കണക്കുകൾ ധോണി നിവാസികൾ കടന്നുപോയ ഭീതിദമായ ദിനങ്ങൾ വ്യ്കതമാകുന്നതാണ്.

ഇതോടെ പി ടി സെവനെ പിടികൂടണമെന്ന ആവശ്യം കൂടുതൽ ശക്തമായി. ഏറ്റവും ഒടുവിൽ വയനാട്ടിലെ പി എം 2 ദൗത്യം പൂർത്തിക്കിയ ശേഷമാണ് ഡോ അരുൺ സഖറിയയയുടെ നേതൃത്വത്തിലുള്ള സംഘം പി ടി സേവനെയും തളച്ചത്.