ജെ.എൻ.യു. ആക്രമണത്തെ അപലപിച്ചുള്ള പ്രധാനമന്ത്രിയുടെ ട്വീറ്റ് പ്രതീക്ഷിക്കുന്നു: രാഹുൽ ഈശ്വർ

ഇക്കഴിഞ്ഞ ദിവസം നടന്ന ജെ.എൻ.യു. ആക്രമണത്തെ അപലപിച്ച് പ്രധാനമന്ത്രി നരേന്ദ്ര മോദി ഒരു ട്വീറ്റ് ചെയ്തെങ്കിലെന്ന് പ്രത്യാശിച്ച് രാഹുൽ ഈശ്വർ

അത്തരത്തിൽ ഒരു കുറിപ്പുണ്ടായാൽ അത് ഈ അവസ്ഥയിൽ വളരെ സമാശ്വാസകരം ആകുമെന്ന് രാഹുൽ പറയുന്നു

തന്റെ പേജിലെ ട്വീറ്റിലൂടെയാണ് രാഹുൽ ഇക്കാര്യം പറഞ്ഞത്. ഇടതോ, വലതോ ഏതായാലും അക്രമം തെറ്റുതന്നെയാണ്. മഹാത്മാ ഗാന്ധിയെ ബഹുമാനിക്കുന്ന വ്യക്തിയെന്ന നിലയിൽ പ്രധാനമന്ത്രി ഈ ആക്രമണത്തെ അപലപിച്ചു ഒരു പ്രസ്താവന ഇറക്കുമെന്ന് പ്രത്യാശിക്കുന്നതായി രാഹുൽ ട്വീറ്റിൽ കുറിക്കുന്നു

ജവഹര്‍ലാല്‍ നെഹ്‌റു യൂണിവേഴ്‌സിറ്റിയില്‍ മുഖംമൂടി ധരിച്ചെത്തിയ സംഘം വിദ്യാര്‍ഥികളേയും അധ്യാപകരേയും ക്രൂരമായി മർദ്ദിക്കുകയായിരുന്നു. സംഭവവുമായി ബന്ധപ്പെട്ട് നാല് പേരെ പൊലീസ് കസ്റ്റഡിയിലെടുത്തിട്ടുണ്ട്