തൃശൂർ: ലോക കേരള സഭയെ അഭിനന്ദിച്ച് രാഹുല്‍ ഗാന്ധി മുഖ്യമന്ത്രി പിണറായി വിജയന് അയച്ച കത്ത് പഴയതെന്ന് എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍.
2/ 6
പ്രതിപക്ഷം ബഹിഷ്‌കരിക്കാനുള്ള തീരുമാനമെടുക്കും മുൻപാണ് കത്തയച്ചത്. രാഹുല്‍ ഗാന്ധിയെ അനാവശ്യമായി വിവാദത്തിലേക്ക് വലിച്ചിഴയ്ക്കരുതെന്ന് കെ.സി വേണുഗോപാൽ ആവശ്യപ്പെട്ടു.
3/ 6
കത്ത് അയച്ചത് ഡിസംബര്‍ 12നാണ്. യുഡിഎഫ് ബഹിഷ്‌കരണതീരുമാനം ഇതിനുശേഷമായിരുന്നു. കത്തിനെ രാഷ്ട്രീയവിവാദമാക്കുന്നത് ശരിയല്ല . മുഖ്യമന്ത്രി അയച്ച കത്തിന് രാഹുല്‍ മാന്യമായ മറുപടി അയച്ചുവെന്നേയുളളൂ. ഇത് സംസ്ഥാനനേതൃത്വത്തിന്റെ തീരുമാനത്തെ തളളുന്ന നടപടിയല്ല. ദേശീയനേതൃത്വം സംസ്ഥാന നേതൃത്വത്തിന്റെ നിലപാടിനൊപ്പമാണെന്നും വേണുഗോപാല്‍ പറഞ്ഞു.
4/ 6
ലോക കേരള സഭയെ അഭിന്ദിച്ചുള്ള രാഹുലിന്റെ കത്ത് മുഖ്യമന്ത്രി പിണറായി വിജയനാണ് ഇന്ന് ട്വിറ്ററിലൂടെ പറത്തു വിട്ടത്. ധൂർത്ത് ആരോപിച്ച് പ്രതിപക്ഷം ചടങ്ങ് ബഹിഷ്ക്കരിച്ചതിനു പിന്നാലെയായിരുന്നു ഇത്.
5/ 6
ഉദ്ഘാടന സമ്മേളനത്തില്‍ യുഡിഎഫ് പ്രതിനിധികള്‍ ആരും പങ്കെടുത്തിരുന്നില്ല. ആന്തൂരില്‍ കണ്‍വന്‍ഷന്‍ സെന്ററിന് അനുമതി നിഷേധച്ചതില്‍ മനംനൊന്ത് പ്രവാസി സംരംഭകന്‍ ആത്മഹത്യ ചെയ്തതിനെ തുടർന്ന് ലോക കേരള സഭയില്‍ നിന്നും പ്രതിപക്ഷ നേതാവും യുഡിഎഫ് എംഎല്‍എമാരും നേരത്തേ രാജിവച്ചിരുന്നു.
6/ 6
ഇതിനിടെ കേന്ദ്രമന്ത്രി വി.മുരളീധരനും ലോക കേരളസഭ ബഹിഷ്‌കരിച്ചു . പൗരത്വ നിയമത്തിനെതിരെ നിയമസഭ പ്രമേയം പാസാക്കിയതില്‍ പ്രതിഷേധിച്ചാണ് ബഹിഷ്‌കരണം. 47 രാജ്യങ്ങളില്‍ നിന്നുള്ളവരെ പങ്കെടുപ്പിച്ചു ലോക കേരള സഭയുടെ പ്രതിനിധി സമ്മേളനത്തില്‍ 351 പ്രതിനിധികളാണുള്ളത്.
