അങ്കമാലിക്കാര്‍ക്കായി ഓപ്പണ്‍ ജിമ്മും പാര്‍ക്കും ഒരുക്കി റോജി എം.ജോണ്‍ എംഎല്‍എ ; ചിത്രങ്ങള്‍ കാണാം

വളരെ നാളുകളായി ഉണ്ടായിരുന്ന ഒരു സ്വപ്നം യാഥാർത്ഥ്യമായ സന്തോഷത്തിലാണ് അങ്കമാലി എംഎല്‍എ റോജി എം ജോണ്‍. ലോകത്തെ എല്ലാ പ്രധാനപ്പെട്ട നഗരങ്ങളിലേയും പോലെ ഒരു ആകർകമായ ഒരു പൊതു കേന്ദ്രം ഇനി മുതൽ അങ്കമാലിക്കും സ്വന്തമായതായി അദ്ദേഹം ഫേസ്ബുക്കില്‍ കുറിച്ചു.

ജനങ്ങൾക്ക് കുടുംബ സമേതം ഒത്തുകൂടി വിനോദത്തിനും ആരോഗ്യ സംരക്ഷണത്തിനും ഉപകരിക്കുന്ന ഒരു ഓപ്പണ്‍ ജിമ്മും പാര്‍ക്കുമാണ് അങ്കമാലി നഗരത്തിന്‍റെ ഹൃദയഭാഗത്തായി ഒരുക്കിയിരിക്കുന്നത്.

നഗരങ്ങളിൽ ജനങ്ങൾക്ക് ഒത്തുകൂടാൻ പൊതു ഇടങ്ങൾ അന്യമായി ക്കൊണ്ടിരിക്കുന്ന ഈ കാലത്ത് അത് ഉണ്ടാക്കി എടുക്കുക എന്നത് ഒരു ലക്ഷ്യമായിരുന്നു എന്ന് അദ്ദേഹം ഫേസ്ബുക്കില്‍ കുറിച്ചു

പൂർണ്ണമായും MLA ഫണ്ട് വിനിയോഗിച്ചാണ് ഇത് നിർമിച്ചിരിക്കുന്നതെന്ന് അദ്ദേഹം വ്യക്തമാക്കി.

വിദേശ രാജ്യങ്ങളില്‍ ധാരാളം കണ്ട് വരാറുള്ള ഇത്തരം ഓപ്പണ്‍ ജിമ്മുകള്‍ ഇപ്പോള്‍ കേരളത്തിലും വ്യാപകമാവുകയാണ്. കോഴിക്കോടും കൊച്ചിയിലും ഓപ്പണ്‍ ജിമ്മുകള്‍ ഹിറ്റായി കഴിഞ്ഞു.

തദ്ദേശ സ്വയം ഭരണ സ്ഥാപനങ്ങളുടെ കീഴില്‍ ഉപയോഗ്യശൂന്യമായി കിടക്കുന്ന സ്ഥലങ്ങള്‍ ഇത്തരത്തില്‍ പാര്‍ക്കുകളും ഓപ്പണ്‍ ജിമ്മുകളും സ്ഥാപിക്കുന്നതിന് ഉത്തമമാണ്. ആരോഗ്യ സംരക്ഷണത്തിനൊപ്പം സായാഹ്നങ്ങള്‍ കുടുംബത്തോടൊപ്പം ആനന്ദകരമാക്കാന്‍ ഇത്തരം പൊതു ഇടങ്ങള്‍ ആവശ്യമാണ്.