യൂണിവേഴ്സിറ്റി കോളേജിൽ എസ്.എഫ്.ഐയ്ക്ക് അഡ്ഹോക്ക് കമ്മിറ്റി; കുത്തേറ്റ അഖിലും കമ്മിറ്റിയിൽ

തിരുവനന്തപുരം: സംഘർഷത്തെ തുടർന്ന് യൂണിവേഴ്സിറ്റി കോളേജിൽ പിരിച്ചുവിട്ട എസ്.എഫ്.ഐ കമ്മിറ്റിക്ക് പകരമായ അഡ്ഹോക്ക് കമ്മിറ്റി രൂപീകരിച്ചു. സംഘർഷത്തിനിടെ കുത്തേറ്റ് ചികിത്സയിൽ കഴിയുന്ന അഖിൽ ഉൾപ്പെടെ 25 അംഗങ്ങളാണ് കമ്മിറ്റിയിലുള്ളത്. എസ്.എഫ്.ഐ തിരുവനന്തപുരം ജില്ലാ കമ്മിറ്റി പത്രകുറിപ്പിലൂടെ അറിയിച്ചതാണ് ഇക്കാര്യം.

കേരളാ യൂണിവേഴ്സിറ്റി യൂണിയൻ ചെയർമാനും എസ്എഫ്ഐ സംസ്ഥാന കമ്മിറ്റി അംഗവും, രണ്ടാംവർഷ എം എ മലയാളം വിദ്യാർഥിയുമായ എ ആർ റിയാസാണ് അഡ്ഹോക്ക് കമ്മിറ്റിയുടെ കൺവീനർ. ജില്ലാ കമ്മിറ്റി അംഗവും മൂന്നാം വർഷ വിദ്യാർഥിനിയുമായ വീണ എം ബിയാണ് ജോയിന്‍റ് കൺവീനർ.

ആർ റിയാസ്, വീണ എം ബി, ശില്പ, ജോബിൻ, ചന്തു, അഞ്ചു, നിരഞ്ജൻ, ജിനു, അഖിൽ, കൃഷ്ണപ്രിയ, അരുൺ, ഉമർ, അജയ്, വിഷ്ണു, ഉമൈർ, രാകേന്ത്, ജിജോ, അഭിജിത്ത്, ആര്യ, അനന്ദു ഷാജി, ദിൽന, അമൽ, നിതിൻ, മിത മധു, റോഷന എന്നിവരാണ് കമ്മിറ്റി അംഗങ്ങൾ.