ശബരിമല: പ്രത്യേക നിയമസഭാ സമ്മേളനം വിളിക്കണമെന്ന് അഡ്വ. P.S ശ്രീധരൻപിള്ള

കോഴിക്കോട്: ശബരിമല വിഷയത്തില്‍ നിയമനിര്‍മാണത്തിനുള്ള പ്രൊപ്പോസല്‍ തയ്യാറാക്കാന്‍ നിയമസഭാ സമ്മേളനം വിളിക്കണമെന്ന് ബി.ജെ.പി സംസ്ഥാന അധ്യക്ഷന്‍ അഡ്വ. പി.എസ് ശ്രീധരന്‍ പിള്ള. വിശ്വാസികള്‍ക്ക് അനുകൂലമായി നിയമനിര്‍മാണം നടത്താന്‍ ആലോചിക്കണമെന്ന് അദ്ദേഹം ആവശ്യപ്പെട്ടു.

നിയമനിര്‍മാണം സംബന്ധിച്ച് രണ്ടഭിപ്രായമുണ്ടമെന്ന് ശ്രീധരൻപിള്ള ചൂണ്ടിക്കാട്ടി. നിയമവിദഗ്ധര്‍ ശബരിമല സംസ്ഥാന വിഷയമാണെന്നാണ് പറയുന്നതെന്ന് അദ്ദേഹം ചൂണ്ടിക്കാട്ടി.

കഴിയുന്നതൊക്കെ ചെയ്യാന്‍ കേന്ദ്ര സര്‍ക്കാര്‍ തയ്യാറാണെന്നും പ്രകടനപത്രികയില്‍ പറഞ്ഞ കാര്യങ്ങളില്‍ നിന്ന് പിന്നോട്ട് പോവില്ലെന്നും ശ്രീധരൻ പിള്ള കോഴിക്കോട്ട് പറഞ്ഞു.