പത്തനംതിട്ടയിൽ എസ്ഐയെ കാണാനില്ലെന്ന് പരാതി

പത്തനംതിട്ടയിൽ സബ് ഇൻസ്പെക്ടറെ കാണാനില്ലെന്ന് പരാതി. റാന്നി സ്റ്റേഷനിലെ എസ് ഐ ജോർജ് കുരുവിളയെ കാണാൻ ഇല്ലെന്നു കാട്ടി പിതാവാണ് പരാതി നൽകിയത്. കോട്ടയം ഈസ്റ്റ്‌ പൊലീസ് കേസെടുത്തു.

എസ്ഐയെ കഴിഞ്ഞ മൂന്നു ദിവസമായി കാണുന്നില്ല എന്നാണ് പരാതി. കുടുംബ പ്രശ്നങ്ങൾ ഉണ്ടായിരുന്നുവെന്ന് പൊലീസ് പറയുന്നു.

കഴിഞ്ഞ ദിവസം ഇദ്ദേഹത്തിന്റെ എ.ടി.എം കാർഡ് ഉപയോഗിച്ച് മൈസൂരിൽ നിന്ന് പണം പിൻവലിച്ചതായി പൊലീസിന് വിവരം ലഭിച്ചു. അന്വേഷണം പുരോഗമിക്കുകയാണെന്നും പൊലീസ് അറിയിച്ചു.