'ആ വീഡിയോ വ്യാജം'; പ്രചാരണത്തിന് പിന്നിൽ സിപിഎം ആണെന്ന് കെ. സുരേന്ദ്രൻ

പത്തനംതിട്ട: തനിക്കെതിരായ വ്യാജ പ്രചാരണത്തിനെതിരെ നിയമ നടപടി സ്വീകരിക്കുമെന്ന് കോന്നിയിലെ എൻഡിഎ സ്ഥാനാ‌ഥി കെ സുരേന്ദ്രൻ. സോഷ്യൽ മീഡിയയിലെ വ്യാജ പ്രചാരണത്തിന് പിന്നിൽ സിപിഎമ്മാണ്. തെരഞ്ഞെടുപ്പ് ലക്ഷ്യമിട്ട് വ്യാജ വീഡിയോ മനപ്പൂർവ്വം പ്രചരിപ്പിക്കുകയാണെന്നും സുരേന്ദ്രൻ ന്യൂസ് 18 നോട് പറഞ്ഞു.

കഴിഞ്ഞ ദിവസങ്ങളിലാണ് സുരേന്ദ്രന്‍റെ പേരിലുള്ള വീഡിയോ സോഷ്യൽ മീഡിയയിൽ പ്രചരിച്ചത്. ശബരിമല യാത്രയ്ക്കിടയിൽ ലഹരിവസ്തു ഉപയോഗിക്കുന്നുവെന്ന തരത്തിലായിരുന്നു വീഡിയോ പ്രചരിച്ചത്.

അതേസമയം ചൈതന്യമുള്ള നേതാവായ കെ. സുരേന്ദ്രനെ ബോധപൂർവ്വം താറടിച്ച് കാണിക്കുന്നതിനുള്ള ശ്രമമാണ് നടക്കുന്നതെന്ന് ബിജെപി സംസ്ഥാന അധ്യക്ഷൻ പി.എസ് ശ്രീധരൻ പിള്ള പറഞ്ഞു. ഇത്തരം പ്രചാരണങ്ങളെ ബിജെപി നേതാക്കൾ നേരിടുമെന്നും അദ്ദേഹം കഴിഞ്ഞ ദിവസം എറണാകുളത്ത് പറഞ്ഞു.